的士

的士司機唔熟路 女乘客趕時間狂鬧 斥對方太煩似足老婆 1招反擊兼報仇

家庭生活

廣告

的士 司機並非條條路都識去,有時都要主動詢問乘客記不記得大概方向,記得就幫忙指路,或者直接開手機地圖導航。近日一名的士司機於社交平台撰文,大呻遇到一名麻煩女乘客,令他要第一次趕客落車。帖文被轉載到討論區,有人讚的士司機做法大快人手,但亦有人覺得他拒載的行為不要得。

的士司機唔熟路被女乘客鬧 最後趕客落車

近日一名的士司機於Facebook群組「的士司機資訊網 Taxi」撰文,公開趕客落車的經歷。事發當晚,他在觀塘順緻苑落客,不足幾分鐘於順天邨路邊接客,還感歎自己好幸運。女乘客表示自己想去「荃灣宜安街」,他馬上看看地圖導航,坦言自己不太熟悉怎樣去:「唔好意思唔熟路!」女乘客非常不滿,不停口狂鬧:「我趕時間!荃灣都唔識?你係的士司機噃!…」

的士司機唔熟路被女乘客鬧 最後趕客落車
的士司機唔熟路被女乘客鬧 最後趕客落車(圖片來源:TVB劇集《降魔的》電視截圖 )

他走下車,打開車門,請女乘客改乘另一輛的士:「小姐, 你趕時間麻煩你搭過第二部。」女乖客下車時深深不忿繼續責罵:「你九龍車, 唔熟路點做司機啊!?」

的士司機唔熟路被女乘客鬧 最後趕客落車
的士司機唔熟路被女乘客鬧 最後趕客落車(圖片來源:TVB劇集《降魔的》電視截圖 )

斥對方太煩似足老婆 笑稱報仇完好有快感

的士司機認為女乘客應該是趕時間去荃灣, 要去觀塘宜安街,然後轉車,或者可能趕時間去荃灣怡康街,總之只是一時心急說錯。他解釋自己之所以忍無可忍趕她落車,是因為對方似足他老婆,囉囉嗦嗦,令他覺得很煩擾:「好似我老婆咁日日鬧我,煩X到死,我搞唔清楚先趕佢落車。」

他又借機狂數老婆,形容女乘客的待人接物態度跟她老婆一樣,性格十分自我, 只會看到別人錯處, 然後會捉住該錯處,大條道理認為自己做法恰當,絕不體諒他。最後他說:「無咗張我好想要嘅單,但好開心,做咗啲屋企不能做嘅嘢,估唔到揸的士可以咁有快感。」不過他指自己回家後已將此事一五一十告訴給老婆聽,被對方斥責。

網民感同身受:大快人心

有部分同樣任職的士司機的網民表示感同身受:「好有畫面,大快人心」、「算啦,呢家啲客嗰個當我哋人肉GPS ,條條路都要記得」亦有部份網民笑他趁機罵老婆很搞笑:「最鐘意你話似你老婆嗰part」、「師傅,唔好借個客嚟鬧老婆喎,唔work㗎」、「的士司機好怕老婆,咁被老婆食住」不過都有網民認為的士司機拒載有問題:「攞明玩X個客,就嚟交更,到時又要返九龍,所以荃灣都唔識去」、「你九龍車,唔熟路點做司機啊?」

不過都有網民認為的士司機拒載有問題
不過都有網民認為的士司機拒載有問題(圖片來源:連登討論區截圖)

撰文:[email protected]群組「的士司機資訊網 Taxi」圖片來源:TVB劇集《降魔的》電視截圖 、 連登討論區截圖

你又點睇?

更多精選內容