補習老師於領養家庭長大被港媽嫌棄＋解僱 耐心反駁勁有家教

撰文：Clara | 資料、圖片來源：網上討論區、SHUTTERSTCOK

港媽嫌棄補習老師於領養家庭長大

近日網上討論區有一個帖文以「【家長解僱教師】原因在領養家庭長大，家庭觀念會錯誤」為題，成為網上熱話。這名網民的朋友是一位補習老師，正為中五學生琳琳定期補習。

近日她收到琳琳家長的解僱短訊。對方先感謝她的教導，令到女兒成績有顯著進步。惟對方從她與女兒的對話中偷聽到她是領養家庭長大後，即時變臉，覺得她不適合再教其女兒，要即時解僱：「你都明白啦，佢中五了，要為將來打算，我都唔想佢有一個錯嘅家庭觀念。」

補習老師禮貌反駁有家教

該位補習老師解釋，當時與琳琳分享她大學曾讀過的課題，討論人可不可以安樂死，琳琳認為父母在某程度上有權決定仔女的死亡，但她就問：「如果唔係親生呢？」琳琳因為沒有考慮過這個可能性，所以反問她：「如果你唔係父母親生會點？」之後她回答自己正正是在領養家庭長大的例子，順道介紹自己的成長經過，只是很正常的分享。

她認為在領養家庭長大與家庭觀念沒有必然關係，她非常感激養父母：「人生往後有好大部分自己可以決定…父母係無得選擇嘅，我好感激佢哋畀咗佢哋能力範圍入面最好嘅嘢我。」雖然琳琳家長涉及歧視，惟她沒有介意，反而站在對方立場，表示明白其感受。她還勸喻琳琳家長放下執著，不要嘗試控制女兒思想：「我明白你為琳琳好，但我更加認為，畀佢認識到唔同嘅觀念同想法，然後佢自己選擇一個最適合自己嘅觀念，咁樣先係為佢好，而唔係強加一啲觀念畀佢，咁只會將佢變成一個無自己思想嘅附屬品，咁唔係更加唔好咩？希望你明白。」

港媽前言不對後語堅持解僱

最後琳琳家長表示明白，但仍堅持解僱。她反駁女兒只得中五，未能成熟地明辨是非，討論這個議題似乎太早，覺得補習老師的教法不符合她的期望：「作為家長我無你哋學識咁好，只希望小朋友正常、健康地成長。」早前她稱讚補習老師教到女兒成績突飛猛進，不過現在又突然辯解另一個解僱理由，指補習老師有外國口音會影響其女兒學習：「本來幫琳琳補習中國歷史的老師未能夠幫佢補習，所以想找一個老師可以幫琳琳同時補習中國歷史和英文，但Miss在外國留學應該沒讀中國歷史吧，同埋miss的口音比較外國，我驚會影響琳琳的中史學習進度，所以暫時不需要幫琳琳補習了。我會和琳琳講miss之後較忙沒有時間，你可以配合一下嗎？萬分感激。」

網民批港媽涉歧視

很多網民指責港媽犯了四個問題，第一，她假定領養家庭長大的小朋友是有問題，有邏輯錯誤：「老師係唔係領養小朋友同佢教學質素毫無關係，又唔係教唆個學生啲乜嘢，點樣影響到個學生嘅家庭觀念？」、「學校老師都有可能係有領養小朋友或者成長自一個單親家庭㗎喎，咁係咪要搵私家偵探逐個老師查吓佢，發現咗係就要向教育局舉報呀？」；第二，她過份擔心女兒：「個學生都中五啦，咁大個人會唔明？」；第三，她不應該要求補習老師與自己夾口供，向女兒講大話，做了壞榜樣。他們讚賞補習老師回答得好好：「講嘢好得體」、「對住咁嘅家長都可以咁有耐性咁好語氣回覆，睇得出佢領養家庭教得好好」。