親戚兒子搶東西＋推撞 爸爸勸女兒忍讓：「男仔係咁」 7字神回比大人懂事

撰文：Clara | 資料授權：「生仔要考牌系列」| 圖片來源：SHUTTERSTOCK

親戚性格霸道 縱容兒子搶東西＋推撞

這名港媽於Facebook專頁「生仔要考牌系列」投稿，她指她老公排行最大、姑仔第二，叔仔排最細，叔仔雖然已經幾十歲，但甚麼事都要姐姐、哥哥幫手：「例如佢唔鍾意食自助餐，嫌要行出行入，緃使係奶奶生日想食都要就佢——總之成家人都要就佢。」即使他之後成為爸爸，性格依然毫無改善，還變本加厲，令下一代跟他變得一模一樣。

她指自己有三個女兒，最大那個已經升小四，姑仔有一個女兒，而叔仔有一個升幼稚園K2的兒子。由於只有叔仔生到兒子，是惟一男丁，他覺得人人都要遷就他們的兒子：「返奶奶度食飯，叔仔個仔實會扭計、大吵大鬧，出手打人、推人、搶嘢等等之外，仲會話啲女仔唔同佢玩，野蠻行為數之不盡。」但令她最氣憤是，她那個「重男輕女」的老公、叔仔永遠都不會阻止，反而叫女生要學會忍讓：「男仔係咁！」「佢仲細就下佢啦！」她為女兒覺得委屈，有時忍不住會出聲窒他們。

親戚要求港媽女兒大讓細

有一次港媽帶女兒到奶奶家吃飯，怎料叔仔突然叫姑仔女兒，和她的二女、大女入房閉門訓話，事後，女兒向她匯報。當時，叔仔質問她們為甚麼不與他兒子玩，女孩們回答：「我哋玩緊，佢話唔玩，要我哋陪佢玩車，我哋唔想玩呢啲喎！」叔仔認為她們應該忍讓小朋友：「就下佢囉，仲細嘛。」女孩們不想陪玩：「而且佢咁冇禮貌，我唔想同佢玩。」叔仔堅持要求她們忍讓他兒子：「佢仲細，唔識啫，就吓佢啦！」女孩們聽罷很愕然：「咁佢永遠都細過我哋，咪以後都要就佢？咁幾時先大？幾時先識？」叔仔好像聽不到一樣，依舊叫她們遷就他兒子：「佢讀K1咋，仲未識㗎。」女孩們覺得年齡小不是藉口：「吓，我哋未讀幼稚園之前都知喎，做錯嘢都會道歉喎，咁佢幾時先學識？」

親戚要求港媽女兒忍讓

其後叔仔竟然說出非常「重男輕女」的說話，他覺得自己的兒子能傳宗接代，女生只能嫁出去，不能擴大家族：「佢仲細，而且佢係唯一一個男仔嚟㗎，佢將來生啲仔女會同我一樣姓，你哋生啲小朋友會跟人哋姓。」女孩們不同意，她們認為男女沒有分別，只要是人就要有家教：「唔明，媽咪同我哋講要乖同有禮貌，唔係大個得罪人，會被人打死㗎，咁死咗點生小朋友呢？」叔仔開始胡言亂語：「唔會，你媽咪都冇生到仔，佢又點會知呢？總之你哋啲女仔個個一定要同佢玩。」相反女孩們很機智地回答：「咁你生多一個細佬妹同佢玩囉。」港媽聽完，對叔仔深感不忿：「逼人哋同佢個仔玩都算啦，而家咩年代呀，生咩性別關你鬼事咩！？」

網民斥爸爸未有好好保護孩子

網民紛紛指責港媽老公沒有盡爸爸責任，好好保護女兒：「如果連老公都企喺叔仔嗰邊，樓主應該好好咁教育吓佢。」又讚她女兒很聰明：「非常喜歡女嘅神回，叻女！」、「我相信係樓主平時教得好先識得去咁樣寸番呀叔」、「好叻阿女，識得講道理，仲叻過嗰個大人」。