葉凱茵

日日媽媽聲|妊娠毒血致胎死腹中 兒子老公助葉凱茵走出小產陰霾

懷孕前後

廣告

妊娠毒血是是孕婦併發症之一,又稱先兆子癎,是妊娠高血壓的一種。日前《日日媽媽聲》請來前港姐、「TVB秘書王」葉凱茵做嘉賓,當年葉凱茵患上突發性妊娠毒血症,不幸流產。失去胎中孩子的她,更一度陷入崩潰及患上甲亢。幸得老公和兒子Orson全力支持和照顧,葉凱茵終走出流產陰霾。

撰文:SundayKiss|圖片:新傳媒資料庫、《日日媽媽聲》電視截圖

延伸閱讀:妊娠毒血症 8大高危患病因素

突發性妊娠毒血症致流產

「TVB秘書王」葉凱茵是一位有很多經歷的媽媽。她於2016年年初,遇到了失去致親的悲傷經歷。那時懷孕9個月的她,突然患上突發性妊娠毒血症,最終不幸流產。當時,她一心準備迎接細仔,在產前兩、三星期,收到讓她絕望的消息。她憶述事發前一晚,她仍然感受到BB的心跳,怎料翌日早上起床,感到不適,之後發現下體流血。當時,老公已立即以15分鐘左右送葉凱茵去醫院,結果發現BB已無心跳。

葉凱茵
葉凱茵於2016年年初,遇到了失去致親的悲傷經歷。(圖片來源:《日日媽媽聲》電視截圖)

以催生針產死胎 不敢看BB最後一面

這次突如其來的妊娠毒血症,令她不斷問:「係咪我食錯嘢累到BB咁呀?我做錯咗乜嘢呀?我一直都好健康,最多傷風感冒,點解突然間咁樣?」那時護士為她打催生針,期間一直安撫其情緒,但她既要忍受順產的陣痛,更要承受失去BB的傷痛,根本冷靜不下。生完之後,護士問她想見BB最後一面嗎?她想一會,拒絕了,不想這個畫面留在腦海。

7_268K_family
凱茵原本想追女,生多個與Orson結伴成長,如今決定不會再生,因醫生解釋若果再懷孕,好大機會再患妊娠毒血症,「如果今次第一胎,我都可能會博,但我已經有Orson, 專心照顧佢就好。」

產後葉凱茵出現多種後遺症

這次患上突發性妊娠毒血症,帶走了BB的性命,也差點帶走葉凱茵的性命。毒血症的噩夢仍未完結,連日來雙手插滿針,24小時量血壓、吊防止抽筋針,「醫生話我唔夠血,啲血有事,輸完三包血後好番啲,又到個腎有事,仲因為高血壓見頭痛頭暈,每次姑娘嚟量血壓,我都好似考試咁,次次都高到部機發出嘟嘟聲,連姑娘都問點解血壓仲咁高㗎?我自己都好驚!」產後凱茵的身體虛弱,妊娠毒血症的後遺症亦接踵而來,持續高血壓、頭痛、右眼視力有閃光,情緒也出現好大問題。

高血壓致視力問題

住院六日終於出院,但一出院即發現視力有問題,右眼像有閃光般,望人時好似有filter暗掉了,嚇到她立刻看專科,經檢查後證實無問題。「喺醫院都覺得隻眼怪怪哋,嗰陣電視播緊《鐵馬戰車》,夜晚自己一間房覺得好唔開心,一靜落嚟就喊,惟有睇《鐵馬》紓解吓情緒,但望一陣電視已經覺得隻右眼好痛,望白色牆又有啲黑黑哋圓圈,嗰陣以為只係喊得多。人哋話坐月唔好喊,我同坐月冇分別,仲更差,身體入面好傷,但我邊有可能唔喊?」

兩個多月後,血壓回落,眼部才逐漸回復正常,「依家日頭睇嘢仲有『飛蚊』,眨眼仲有少少黑色。」她估計因產後身體機能太差,而且「坐月」期間因高血壓不能進補,復元速度慢,「降血壓藥都要試第二隻先有效,依家冇事喇,之前行步路都喘氣。」

2_268K_family
事件後凱茵曾出現疑似情緒病,有兩次突然有股驚恐湧上心頭,「有次食飯突然之間好驚、好不安,即刻衝入房休息;另一次同媽咪食飯又有呢種感覺。」上網尋遍文章後,了解到或許荷爾蒙起變化,加上未走出陰霾所致,老公和囝囝多加陪伴後,「驚恐症」已消失。

沒有成因 不明不白

產房外,其實更多的恐懼由老公承受,知道有機會大小不保,又不能刺激老婆,他默默承受最黑暗的五小時。「醫生冇直接同我講,只係慢慢滲啲講,血有事,腎有事,吓?肝都要check?後來老公講番,其實我仲有機會中風同抽筋,我先知道自己咁嚴重,真係死裏逃生。」

凱茵多次詢問醫生妊娠毒血症的成因,也未能得到答案,「佢話我係好突發、好嚴重,都唔知原因,總之唔關食錯嘢事,唯一可能因素係高齡懷孕。其實唔少孕婦都有呢個病,但多數有跡象,例如水腫、體重急升、蛋白尿、血壓高咗,有朋友個朋友都有呢個病,懷孕五個月時check到,要喺醫院住到生為止。」

回想懷孕九個月的經歷,比第一胎辛苦得多,又暈又嘔六個月,「唔好話返工,我落街都落唔到,當時拍緊《愛情食物鏈》覺得好暈拍唔到,拍《公公出宮》我都上唔到大陸。雖然係咁,但我一路產檢都正常,公院私立我都有check,上年12月仲check咗兩次,全部都冇事。出事後我打俾私家產檢講番我情況,醫生都好愕然,話我執番條命都算好彩。」

5_268K_family
當年五歲的Orson非常好動,令媽媽疲於奔命,間接分散了其注意力,無暇傷心。
3_268K_family
懷有Orson時,凱茵陀得好順利,無暈無嘔,只是花了超過20個鐘順產最辛苦。

妊娠毒血症8個徵狀

輕微的妊娠毒血症一般沒有徵狀,許多患者都在例行產檢時發現,所以孕婦必須按時產檢,以便定期量度血壓和驗尿。隨着妊娠毒血症惡化,患者會開始呈現病徵如下:
– 頭痛(通常是前額部位)
– 視力問題,例如閃光及視力模糊
– 腹痛(通常是肋骨對下位置)
– 作嘔或嘔吐
– 感覺困惑
– 感覺渾身不舒服
– 氣促
– 手、面或足部突然腫大
孕婦如出現以上徵狀,應立即求醫。

仰扶起兒子:弟弟上天堂

現在的凱茵能堅強站起來,全靠老公和囝囝Orson的陪伴,湊一個小朋友已能大大分散注意力。「我唔可以唔向好方面諗,情緒管理一定要好,如果我頹落去點照顧個仔?」媽媽需靠兒子扶持,兒子亦需媽媽輔導,以平復失去弟弟的心情,凱茵說:「佢同爸爸都信天主教,Orson幼稚園校長老師好有愛心,好彩真係有信仰。」

9_268K_family
凱茵說:「希望Orson學好人際關係,學識獨立,做個有責任感嘅人。」

媽媽入院期間,Orson正返下午班,還以為媽媽生得,興奮高呼:「細佬出嚟喇!」出事兩日後,Orson往探望媽媽時,竟退後一步,表現驚慌不作聲。媽媽回家後他才敢問:「係咪本來有細佬㗎?」凱茵以宗教角度向他解釋道:「係呀,因為細佬上咗天堂搵聖母瑪利亞,佢就『吓……』始終佢仲細,介乎懂事與唔懂事之間,佢都有性,但未至於好唔開心,依家隔耐咗先夠膽講番因為媽媽有病,所以細佬唔舒服上去搵聖母瑪利亞,有時佢提起好掛住細佬,我話我都好掛住。」

節目中,大仔拍片為媽媽打氣。(圖片來源:《日日媽媽聲》電視截圖)
節目中,正在紐西蘭讀書的Orson拍片為媽媽打氣。(圖片來源:《日日媽媽聲》電視截圖)
在產房的凱茵只懂得亂,更多的恐懼由老公承受,知道有機會大小不保,又不能刺激老婆,默默承受最黑暗的五小時。(圖片來源:《日日媽媽聲》電視截圖)
產房外,更多的恐懼由老公承受,知道有機會大小不保,又不能刺激老婆,默默承受最黑暗的五小時。(圖片來源:《日日媽媽聲》電視截圖)

親人逐一離開 愛要及時

這幾年間,一家人已面對多次死亡,2013年冬至日,葉爸爸突然在街上心臟病發死亡,毫無先兆,「12月20日我媽媽生日,嗰幾日仲成日見面,講得笑得行得瞓得,點知做冬日突然走咗。」這次經歷傷透凱茵的心,花了長時間撫平心情。2014年到姨媽癌病去世;2015年葉媽媽發現身體有病;輪到細仔胎死腹中,之後老公的嫲嫲亦過身。一個一個地離開,Orson全都有經歷:「細佬、公公、太嫲一齊喺天堂喇。」

凱茵今次能迅速走出陰霾,亦因看透生死,連自己也曾踏進鬼門關,在最後一刻被意志拉回來,「我冇得唔化,生命可以突然咁走……經過今次之後,我更珍惜時間,細個愛情大過天,工作隨遇而安,依家我學識咗『及時』,enjoy生命,出事後有時自己喺屋企,好靜好孤單,依家返工見到同事一齊傾偈,我好開心。最好彩係我有個仔,為咗佢我一定會堅強。」

6_268K_family
凱茵湊仔既嚴厲又縱容,因為她有潔癖,最不滿囝囝四處亂搞;但當囝囝扭買玩具,她又立即心軟購買。

願做一世秘書王

人稱「TVB秘書王」的葉凱茵,自2002年參選港姐後入行,拍攝過百部電視劇,大多演秘書或行政人員角色,總之要着suit就起用她。凱茵做秘書入型入格,原來她入行前真的當過幾年秘書,更畢業於嘉諾撒聖心商學書院秘書課程,「現實中做秘書梗係悶好多啦,所以先去選港姐。」服務過眾多「老細」之中,她對《樓奴》的商天娥印象最深刻,「佢教我好多嘢,人又nice,佢同我住同一區,成日車我返屋企。」

11_268K_family
「秘書王」直言不介意繼續做秘書,成為自己的獨有icon,「每次演出我都會加入新元素,好似貪靚、嚴肅,令自己保持新鮮感。」

另一「好老細」是《真相》的黃浩然,拍攝時正懷有Orson,「嗰時未夠三個月唔講得,佢睇到我啲細節估到我有咗,有睇住我。」同類角色做了多年,她不覺得悶,更謂想包起所有秘書角色,「起碼我有一條路線,人哋一諗『秘書王』,就諗起『葉凱茵』。」

葉凱茵亦指曾萌生想再生多個的想法:「雖然我曾講過我一定唔會再生,但呢個想法最近起咗變化,醫生同我講如果我想再要生要小心,因為好大機會再有呢個病。」她續指:「因為我仔仔去咗紐西蘭讀書一年,同佢分隔兩地,係好掛住佢。有時見到街上小朋友,就諗可唔可以生多個,但因為醫生建議同年紀唔細,都唔敢冒呢個險。」而身處紐西蘭的兒子Orson,更拍片為媽媽送上窩心安慰,葉凱茵聽到後亦開心落淚。

13_268K_family
不做秘書都要做着suit的行政人員,在《天眼》中飾演保安經理。

 

參考資料:衛生處網頁