孕婦禁忌｜8大禁忌-大肚婆懷孕期間不可搬屋？醫生拆解只要不讓孕婦操勞便可

拆解8大孕婦禁忌

孕婦禁忌1. 懷孕頭三個月不能說？
孕婦禁忌2. 不可搬屋？不可移動家居環境？
孕婦禁忌3. 不可打釘子、用剪刀？
孕婦禁忌4. 不可以抱其他BB？
孕婦禁忌5. 不能參加任何婚禮等喜慶活動？
孕婦禁忌6. 懷孕不能行房？
孕婦禁忌7. 不能染髮、塗指甲油和化妝品？
孕婦禁忌8. 懷孕期間不宜睇牙？

–

孕婦禁忌1. 懷孕頭三個月不能說？

珍姐︰正確！好多傳統說法都有道理的，應該盡量跟隨。懷孕頭三個月真的不應講出來，因為BB未陀穩，講出來BB會小器，最好都是見肚才公布喜訊啦！

Dr. Kun︰其實沒有需要，但因為懷孕頭三個月的流產機會最高，達十分之一，如果預先講了，又不幸遇上流產，就會怕尷尬，所以好多人都等12周之後才公布，心理上覺得個胎陀得較穩，其實12周後都有千分之三機會流產。站在醫生角度，六、七周公布懷孕都沒所謂。

–

孕婦禁忌2. 不可搬屋？不可移動家居環境？

珍姐︰大肚婆應該多休息，尤其BB未陀穩，搬屋、搬家俬好易動胎氣。傳統上應該完全不搬屋，待BB出世後才搬，但現在好多信教人士都不理會，覺得有神保佑，百無禁忌，禁止搬屋很多餘。不過寧可信其有，不可信其無，真的想搬屋，就讓老公和家人全權負責，或者懷孕期間讓家人先辦理找新居等手續，BB出世後才正式搬進去。

Dr. Kun︰有中國人話孕婦舉高手都驚整親BB，其實孕婦只要不搬重物、爬上爬落就可以。外國人每生一個都搬較大的屋，所以我覺得只要不讓孕婦操勞就沒問題。

–

孕婦禁忌3. 不可打釘子、用剪刀？

珍姐︰工作上要用剪刀沒問題，千萬別在自己床鋪使用，好易弄傷大肚婆。另外千萬不能打釘，驚BB身體會有凹陷。值得一提髹漆都是禁忌，因為會令BB身體出現一撻撻！我遇過一對信教的夫婦，不理我的勸告仍大搞裝修事宜，上新居看髹漆，結果他們的BB出世後，由頸至背部都變成綠色！所以懷孕期間不要搞裝修，看人髹漆也不行！

Dr. Kun︰中國傳統指打釘子會令BB身體有凹陷、拿剪刀就有兔唇，比較多古怪說法，我覺得是迷信，沒大關係，不過搞裝修都容易弄傷孕婦，要小心，而髹漆只要保持家居通爽，使用不含甲醛的油漆，味道散去後孕婦才搬入就可以了。

–

孕婦禁忌4. 不可以抱其他BB？

珍姐︰自己的BB未出世，走去抱別人的BB，一定會小器！有些人說只是頭三個月不能抱，正確應該整個懷孕期都不能抱。還有別人的BB出世後，請你食薑醋都不能碰，總之BB一日未出世，都不能令BB小器。

Dr. Kun︰沒有根據，基本上孕婦抱BB是安全的。不過，懷孕頭三個月有十分之一的流產機會，驚抱了別人的BB而自己流產了，就會怪自己做錯。亦有人話用力抱BB，自己個胎好易流出來，基本上用力都不會流個胎出來，除非做了超乎體能的運動，拿起好重的物件，就可能會辛苦。

–

孕婦禁忌5. 不能參加任何婚禮等喜慶活動？

珍姐︰當然啦，因為會喜事相沖！現在好多80後、90後都不理會了，甚至懷孕都去擔當朋友婚禮的姊妹，但傳統上是不應該的，婚禮盡量不要去，最好老公都不去，以免相沖對胎兒不利。

–

孕婦禁忌6. 懷孕不能行房？

Dr. Kun︰肯定錯！外國有研究亦指出懷孕可以行房，早期至後期都可以行房，但要注意幾點，如果媽咪有作小產跡象、有流血，或有早產徵兆，就最好避免了；另外，懷孕30周後肚子已經好大，媽咪要行房就要遷就一下，不能瞓平行房，因會壓到媽咪的血管，影響對BB的血液供應，所以懷孕後期側身做比較好。如果媽咪覺得不適、勞累或有血流，就要多休息。

–

孕婦禁忌7. 不能染髮、塗指甲油和化妝品？

Dr. Kun︰染髮顏料塗上頭髮是沒問題，但好多人染髮會漂頭，令髮色變淺，這些情況下所用的藥水會被頭皮吸收，有指吸收了這些化學物質會對胎兒不利，所以應盡量避免，純粹頭髮hightlight，不被頭皮吸收是可以的。指甲油方面，指甲是一層角質層，大部分顏色不會經指甲吸收至人體，問題是指甲油多具揮發性溶劑，如天拿水，當鼻吸到這類油性揮發性溶劑，會進入肺部，再落到胎盤，有機會影響BB。而化妝品、護膚品都有不少顏料，雖然品牌聲稱由植物、有機物提煉出來，但有日本大化妝品牌曾被揭發產品含重金屬，所以我建議，因工作需要化妝的孕婦，放工盡快落妝。

–

孕婦禁忌8. 懷孕期間不宜睇牙？

Dr. Kun︰必要時可以睇牙，例如定期找牙醫檢查牙齒是沒害的，或者牙肉發炎、蛀牙含膿就不能不看，一旦發燒會對BB有害。而當牙肉有細菌，引致細菌入血發高燒，細菌都會影響到BB，以上情況孕婦都一定要睇牙醫。至於例行洗牙，如果牙齒一切健康，就最好延後，因為洗牙過程中，一旦牙肉發炎、有細菌，都有機會令細菌入血，影響BB。

禁忌背後真正意義：提醒孕媽媽關注身體負荷 骨骼健康不可忽視

綜合傳統說法同醫生嘅分析，可以見到好多禁忌例如「不可搬屋」，其實核心都唔係迷信，而係想提醒孕媽媽要避免過度勞累。懷孕期間，媽媽嘅身體要承受額外嘅重量，對骨骼同關節都係一個好大嘅負擔。更重要嘅係，胎兒骨骼發展所需要嘅鈣質，全部都係由媽媽身上攝取。如果媽媽本身鈣質攝取不足，身體就會自動從骨骼中提取鈣質畀BB，所以，與其擔心搬屋會唔會「動胎氣」，不如將焦點放喺點樣實際地強化自己嘅身體，確保有足夠營養支持自己同BB嘅需要！

同場加映：孕期補鈣新選擇！愛樂維®媽媽液體鈣 腸道友好配方支援媽媽寶寶健康

懷孕期間對鈣質需求大，單靠日常飲食未必能夠滿足每日所需。想搵一款方便又易吸收嘅補鈣產品？來自德國拜耳藥廠旗下、全球銷售No.1*嘅專業孕婦營養品牌愛樂維®，就係好多媽媽嘅信心之選。最近佢哋更推出咗專為孕媽媽及產後媽媽設計嘅「愛樂維®媽媽液體鈣」。

呢款液體鈣採用液體檸檬酸鈣，最大嘅好處係相對唔需要依賴胃酸分解，所以無論係餐前定餐後飲用都一樣溫和易吸收。對於好多孕媽媽嚟講，懷孕期間腸道蠕動會減慢，食補充品最怕就係搞到排便不暢。愛樂維®媽媽液體鈣採用腸道友好配方，唔容易引起呢方面嘅煩惱，真係非常貼心！

每包提供540mg鈣質，配合維他命 D3 同鋅，唔單止可以幫助補充孕期所需鈣質，支持媽媽嘅骨骼健康，同時亦為寶寶嘅成長打好穩固基礎。最方便嘅係佢採用單包設計，撕開就可以直接飲，平時放幾包喺手袋，就算出街或者返工都可以隨時隨地輕鬆補充鈣質，非常適合生活忙碌嘅香港媽媽。

懷孕旅程充滿挑戰，與其為各種傳統禁忌而過份擔憂，不如選擇用更科學、更實在嘅方法照顧好自己同寶寶。從今日起，多啲關注自己嘅營養攝取，特別係骨骼健康，就係畀BB最好嘅守護！

參考資料：衛生處網頁

*愛樂維是全球銷售第一的孕婦綜合維他命品牌, 資料來源: Nicholas Hall’s global CHC database, DB6 MAT Q4 2024 sales data.