坐月沖涼

坐月沖涼-艾葉 桂枝 薑皮 防風煲洗澡水

懷孕前後

廣告

坐月沖涼唔好用生水?10月懷胎唔容易!身體內所有營養要提供俾寶寶,產後係身體最虛弱時間, 好多人話 坐月 係身體嚟一個大調整,坐月唔好對之後的身體後患無窮,脾虛、頭暈頭痛、筋骨關節痛,甚麼痛症出晒嚟好難斷尾。當然食嘢方面要謹慎之外,坐月沖涼亦要留意,以為好似從前用水沖涼好舒服,但原來對產婦嚟講,唔可以輕視。

撰文︰祖祖媽|部分圖片︰Thinkstock

坐月沖涼艾草水功效多

坊間流傳坐月沖涼最好唔好用生水,要用艾草水沖涼其實係點解?有咩功效呢?

因為產後皮膚同的毛孔和骨縫都會張開,身體血氣兩虛, 如果就咁用水沖涼就會容易受風寒入侵體內,加上唔小心吹風遇到冷氣就麻煩了! 以及產後身體筋骨比較鬆弛,如風寒滯留於肌肉及關節中,氣血凝滯,就會很容易出現酸痛現象。

艾葉其實係一種天然祛濕疏風止癢殺菌的植物,有理氣血、逐寒濕止痛之效,如果筋骨酸痛更可以舒筋活血,促進筋骨關節周圍血液循環代謝。殺菌消毒的艾葉仲可以預防產婦因體弱而生病。

坐月時用艾葉沖涼好處多,加埋桂枝、薑皮、防風一齊功效會更好!桂枝可調節血液循環、抗菌抗炎止痛,薑皮可散寒活血,防風更可以發汗祛風。沖涼時候有呢幾樣的配合,唔會咁容易因身子虛弱受寒入侵,真係百利而無一害!

其實就好似新年時屋企嚟個大掃除一樣,將虛弱身體黎個大調整,所以媽媽們要記得,坐月沖涼千萬唔好就咁用水沖涼了。

坐月沖涼-艾葉 桂枝 薑皮 防風煲洗澡水

祖祖媽簡介︰祖祖媽(Jan)育有一對龍鳳胎,是「祖祖媽月子私房菜」創辦人。曾在台灣工作,眼看當地的月子服務非常普及,台灣朋友沒有一個為坐月餐而煩惱。當媽媽後,決定放棄從事十多年的美容行業,將月子服務引進香港。現時找來註冊中醫師、催乳師、陪月組成團隊,為媽媽們提供陪月或家廚上門現煮各式坐月餐。www.jjma.com.hk

參考資料:衛生處網頁