共同話題 增加親子關係 森美 同仔女睇戲 齊去街頭捉精靈
撰文：Sunday Kiss
圖片來源：新傳媒圖片庫
森美仔女 無遺傳ADHD
唔講唔知，其實森美小時候有專注力失調及過度活躍症(ADHD)的問題，讀書背誦好辛苦，同學用一小時溫習，他要花足三小時，才能追到成績中游的程度，直到現在工作都受影響，有時不能集中精神睇稿。幸好這問題沒有遺傳給一對仔女，曦童就讀聖保羅男女中學附屬小學，成績名列前茅，不覺得讀書辛苦，至於兒子曦樂亦只有少許症狀。
森美續說：「個仔性格比較似我，大大吓個心野啲，你睇佢個樣、講嘢同思維都有啲似我，所以佢好細個我就帶佢做評估，好彩佢只係有啲症狀，會容易坐唔定，但個程度未去到ADHD呢個病。依家佢都會唔專心，但佢背嘢快我好多，我就知佢無問題。」森美收過不少家長提問，他以過來人身份安慰家長，他正正就是一個人辦，「你睇我都讀完，又有工開，唔使擔心啦！我希望將來出一本書，將我過去經歷同家長分享，尤其是相處嘅心得最緊要，不過我讀書就唔係好叻。」
森美：打機訓練思考及反應
森美在鏡頭前常帶給觀眾歡樂，曦童笑言爸爸在家也是搞笑之人，但做錯事都會照鬧；曦樂就十分享受父子的玩樂時間，經常一齊打機商討策略，「我哋試過去東京旅行凌晨三點落街捉Pokémon，玩咗三個鐘！」打機能訓練思考及反應，只要能幫助仔女成長，森美就樂於讓他們嘗試，正如從訪問中他看到仔女能詳細表達自己，作為旁觀者的他十分享受。
同仔女無所不談
森美和子女無所不談，關係亦師亦友，之前曦樂更主動邀請爸爸一同看電影《鄧寇克大行動》，以前兩父子只看卡通片或真人英雄片，森美聞言覺得兒子長大了許多，甚至比自己對這套戲的歷史背景更熟悉，曦樂解釋想看的原因：「套戲好有趣，以前睇書睇過，我覺得套戲幾好睇，不過有啲地方唔係好忠於歷史。」
至於細女曦童向來不是充滿探索精神之人，但去年在學校聽過師兄師姐分享後，開始嚮往做小太空人，「可以參觀太空中心，仲有family camp，好想報名參加。」惟媽咪Veronica認為女兒要兼顧很多課外活動，準備時間不足，不應倉卒參加。今年曦童充滿決心，向媽咪多番解釋活動，並分配好練習直笛、田徑等課外活動的時間，盡量在學校完成所有功課，終獲媽咪開綠燈參加，曦童立即著手準備一份創意作品。「我寫咗一個故事，同爹哋畫咗幾幅畫，我寫故事時爹哋同哥哥都畀咗好多意見，應該加咩落去好啲。」曦童創作的小太空人故事中，以自身經驗作藍本，講述一個立志成為太空人的小男孩，每天都會寫信到NASA，終於得償所願，但他成為太空人後卻遇上不少困難，腦海中亦有聲音叫他放棄，幸好他堅持下去，絞盡腦汁解決難題，最後成功返回地球。
曦童創作的小太空人故事中，以自身經驗作藍本，講述一個立志成為太空人的小男孩，每天都會寫信到NASA，終於得償所願，但他成為太空人後卻遇上不少困難，腦海中亦有聲音叫他放棄，幸好他堅持下去，絞盡腦汁解決難題，最後成功返回地球。
赴美參與「太空探索之旅」
曦童最後在二千名參加者中脫穎而出，與媽咪同赴美國參與為期九天的「太空探索之旅」，曦童最難忘一次模擬火星任務。「可以扮坐火箭上火星，好似真嘅太空mission咁控制，我喺任務入面做mission specialist，去到火星後個太空站無晒油，要將火箭上嘅油送入太空站，然後其他隊友就模擬整風車，幫助火箭同太空站發電。」森美耐心聆聽女兒的說話，不斷點頭同意，沒有插嘴幫口引導，始終女兒才是小太空人，陪伴赴美的又是媽咪。曦童笑言今次是第一次遠行，九天的旅程有掛念爸爸和哥哥，每天都致電回家，免得他們心掛掛呢！
