外遊

新春帶小朋友外遊必備法寶

熱話

廣告

「讀萬卷書,行萬里路。」做媽媽嘅想仔女讀書叻之外,都想多啲帶佢哋見識吓呢個世界,所以我成日都趁新年、聖誕呢啲長假期同仔女外遊。其實我同好多父母都覺得,帶小朋友去旅行好麻煩,不過有咗香港國際機場個App之後,成件事就方便得多!

下載連結:http://pzm.me/hkiamyflight2

去兒童遊樂區等上機

通常我都會早兩個鐘到機場Check-in,我等飛機好過走咗㗎機。不過等上機都唔知做咩好,遇著Delay仲慘~大人等得耐都唔耐煩,何況小朋友?要佢哋安靜坐定定等成幾個鐘就一定冇可能!HKIA呢個App就會話你知邊度有兒童遊樂區,仲可以喺度識返唔同國家嘅朋友仔呀!

搵餐廳靠晒佢

以我嘅經驗,小朋友玩完一輪實會嗌肚餓,帶喺身嘅小食已經滿足唔到佢哋啦!呢個時候又可以打開HKIA個App,搵吓附近有咩嘢食。佢會Show晒機場內所有餐廳,仲可以按類別或者所在位置搜尋,夠快捷唔使餓親小朋友。

提你上機

有朋友上次因為班機Delay,所以帶個仔喺兒童遊樂區玩,佢就喺附近同個家長傾偈,傾到唔知時候,仲要空姐開咪搵佢哋。最後佢抱住個仔跑到喘晒氣先趕到班機,好狼狽。有咗呢個App,唔使再周圍搵航班顯示牌,喺手機都可以查詢到航班即時資訊,仲可以提你上機,就唔驚Miss咗班機啦!

搵熱水沖奶粉

過關唔可以帶水,咁要沖奶俾BB飲嗰時點算?原來禁區入面有熱水供應,真係貼心!要搵熱水都好簡單,喺App入面選擇「地圖」,然後搜尋「熱飲用水」,就會show到最近你嘅熱水機。斟多啲上機飲都得呀!

預約停車位

同小朋友去旅行特別多嘢帶,通常都會揸車去機場,廢事拎住咁多行李轉車。但係旅遊旺季機場個停車場好爆,有時搵位泊車都用咗好多時間,有次仲差啲上唔到機。不過download咗呢個App就方便得多,因為佢有得顯示車位滿咗未,仲有得預約車位!

 

(Presented by HKIA)