ex, 前男友, 兩性關係, 情侶

你個ex擺明係賤人!前男友教識你嘅10件事

熱話

廣告

一世人流流長,總會愛上幾個人渣。為咗一個已經唔愛你嘅人而唔開心,值得咩?你應該感謝佢地曾經嘅出現,因為佢地嘅離開,先至成就咗而家或者將來更好嘅自己!國外網站《COSMOPOLITAN》整理咗10件EX教識你嘅事,到最後你會發現,分手係正確㗎,因為咁先可以遇到對你更好嘅人,咁先發現姐妹嘅好。

撰文:Athena|圖片:Instagram|編輯:乖乖隆地洞@central

前男友教識你嘅10件事

1.妳比想像中還堅強。

可以分手之後你覺得成個世界冇咗佢好似崩潰咗咁,但過多一陣你就會發現你冇咗佢依然生活緊,世界仍然不停變,時間不停流走,你還是可以好好的生活。

2.單身太正啦!

兩個人一齊嘅時候你嘅生活只有對方,好少有私人空間。回復單身之後你想做咩就可以做咩,鐘意約姐妹行街睇戲食飯樣樣都得,最緊要嘅係你多咗時間增值自己,同自己相處。

3.真的很難去改變一個人。

三歲定八十。呢句說話其實都幾準,一個人的性格自出生開始就已定,你很難改變一個人,就算你們再相愛,也無法徹底改變對方。

4.妳也不需要去改變。

真正愛你嘅人,唔需要你去改變所有習慣。如果唔係其實你只係佢嘅一隻扯線公仔。

5.妳值得更好!

You deserve better 呢句個個都聽過,拍拖最緊要開心同埋舒服,如果只係得互相傷害,咁又何必勉強呢?不如算數啦,放過自己放過大家,令大家都可以搵到個更好嘅人!

6.不要成為和他一樣賤的人。

每次拍拖都係一堂學問,你可以將今次拍拖嘅經驗當做上咗一課。要警惕自己唔好成為好似佢咁樣嘅人,要珍惜每一段感情。

7.朋友的話是對的!

情人眼裡出西施,人地講咩你唔知。愛情係盲目嘅,當你好愛一個人嘅時候,你永遠都睇唔清事實。當局者迷,旁觀者清,身邊朋友講嘅說話要冷靜啲聽下佢地嘅意見,咁就唔會再咁盲中中,到時就後悔莫及啦。

8.失敗從不可恥。

失敗嘅戀愛又有咩可怕喎,有邊個會係一帆風順呀。只要對人生有希望,相信幸運女神總會眷顧你的。

9.不是每個人都那麼渣。

你之前遇到賤男,唔等於全部人都係嘅。用心同每個人相處,慢慢就會發現好嘅人可能係係你身邊,你一路未發現咋。

10.愛自己最重要!

想要人地愛你,就先要學識愛自己!努力成為更加好嘅自己,自然就會吸引一班鐘意你嘅人!