七夕放閃! 吳君如 晒同老公拖手照
廣告
今日係七夕，傳說中牛郎同織女一年只可以在這一天相遇，淒美又浪漫。唔知大家係咪同另一半一齊過呢？ 吳君如 今日就喺微博晒放閃，仲引用老公陳可辛的電影風格，寫出另一番浪漫。
撰文：Sunday Kiss
相片：吳君如微博
雖然放閃，但吳君如都不改搞笑本色，把陳可辛的電影風格改寫成現實風格。
陳可辛的電影——
“命中注定的人，無論中間經過多少曲折，終會相遇。”
陳可辛的現實——
“你讓我走裡面，這樣我拍出來比較高。”
七夕快樂。
今個月2號是吳君如的52歲生日，老公陳可辛、囡囡陳是知、細佬吳君祥、爸爸夏春秋仲有媽媽，為佢喺英國搞咗個生日野餐慶祝，一家人仲喺當地公園開香檳又切蛋糕！陳可辛仲送咗紥花氹老婆，而囡囡陳是知就即席彈結他為媽媽唱生日歌，唔冧就假！難怪君如都忍唔住將咁難忘嘅時刻po上網開心share：「一班加起嚟都470幾歲嘅至愛親人為我開心到飛起慶祝生日，女兒為我彈結他唱生日歌，我點都要搏命晒一下幸福。」
關鍵詞
吳君如
