年宵中學生攤檔公仔賣78元 被揭淘寶貨10元有找 笑顧客係水魚 網民反撐中學生
港島東區中學年宵檔薯條公仔賣78元引爭議
事件源於一名網民在社交平台Threads分享的購物經歷。該網民在維多利亞公園年宵市場的一間港島東區中學攤檔，購買了兩個薯條公仔，分別是78元的「超巨型」版本和58元的「中型」版本，合共花費120元。網民讚賞薯條公仔「加咗眼睛同口裝飾，創意無限」，原本只是想分享這個有趣的購物體驗，卻意外引發了一場關於年宵消費價值的大討論。據了解，該中學已是第三年參與年宵市場，今年有近200名學生參與，籌備工作歷時半年，售賣各款文創產品，今年較以往加入更多自家設計元素。
網民揭薯條公仔淘寶9元人仔同款 網民直呼做水魚
當網民分享購物經歷後，很快就有其他用戶在留言區貼出淘寶搜索結果的截圖，顯示高度相近的薯條公仔設計在淘寶最平只需9元人民幣。這個巨大的價格差距立即引起軒然大波，不少網民留言表示震驚，紛紛留言「淘寶貨黎買貴咗啦」、「水魚之都」、「含淚賺你100」、「節日氣氛稅」等。有網民更直言「你知我知大家都知」，暗示年宵市場的商品普遍存在價格偏高的情況，甚至有人形容「年宵不嬲某程度上係淘寶散貨市場嚟㗎啦」，反映出對年宵商品定價策略的不滿。
網民力撐學生擺年宵檔
儘管價格爭議激烈，但同樣有大量網民選擇力撐學生的創業嘗試。支持者認為購買學校攤檔商品等同於支持教育活動，有網民表示「如果我幫襯學校買，我會當係捐錢畀學校支持下，雖然淘寶有賣」、「預咗淘寶但學生哥有良心」。
更多網民強調年宵的獨特體驗價值，「年宵買呢啲係買個氣氛，否則你10蚊都唔會買呢啲無謂野」、「行年宵係買個氣氛，即時拎住走，同相對要訂同埋等，呢個咪係溢價囉」，有人更表示其實開心見到實物，「有時真係買個氣氛同回憶 另外如果係同一貨源 年宵攤檔仲畀你親身睇埋件貨係點 其實仲爽皮」，有人則認為購買貨品與否屬自願性質，「老老實實，你覺得佢值$78先買啫，理得佢來貨幾多」。
有網民更從教育角度分析，認為「好多學校搞檔都係俾學生感受下社會點運作，入貨賣出去都係做trading」，強調這是學生學習營商經驗的寶貴機會。
維園年宵攤檔店員被指態度惡劣勁趕客「唔買唔好掂」老闆火速道歉解釋網民唔收貨
年宵消費文化網民意見兩極分化
這次爭議反映出網民對年宵消費文化的不同看法。批評者認為價格過高不合理，支持者則強調節日氣氛和教育意義的價值。有網民回憶「當年未有淘寶，以前啲學生都係去深水埗玩具街入貨，有乜咁出奇」，認為學生擺檔本來就是傳統做法。另有網民從現實角度分析「場租人工唔使錢，而家樣樣淘寶都平呀，唔好出街啊笨」，提醒大家年宵攤檔也有營運成本。不過，其實很多市民農曆新年最重要是開心，紛紛同意「新年係希望大家都發個新年財，洗的是開心錢」，認為在節日期間適度消費支持學生活動是值得的，重點是大家「開開心心過一個年」。
