二人世界的重要! 陸永 同老婆愛情保鮮法

熱話

前日 陸永 細女陸一心(sim sim)3歲生日,老婆Rainah仲post返3年前細女出世時, 陸永 喺微博的感謝說話,話感謝老婆提前送嘅父親節禮物,仲笑細囡做端午B,以後生日只可以食糭啊!其實 陸永 sweet得嚟都幾搞笑喎!

Sim Sim 6月12日生日,而爸爸陸永就6月27日生日,媽咪Rainah就教Sim Sim唱生日歌,同自己和爸爸賀壽,不過呢首歌真係好慢o架!去片!

[youtube id=”dvr5YGoBaIQ”]

下頁:陸永同老婆Rainah的愛情故事

陸永同老婆Rainah 2011年奉女成婚,第二年大女一穎出世,陸永曾話過:「反正有一個BB要照顧,咁就拿拿淋生多個,怕隔太耐唔記得咗點湊囡!」所以隔咗年半,細囡就出世啦!

每年老婆生日,陸永都會送花!

又成日兩公婆周圍去,做到「有了孩子,也要過二人世界」的承諾!

呢張相係細囡sim sim影嘅,好sweet啊!

 

下頁:陸永「玩世不恭」?識唔識教女呢?

陸永成日俾人感覺好似好唔正經咁,但其實教起女上嚟,都係嚴父上身o架!

一穎同sim sim年紀只差年半,非常好姊妹,但有時都會爭執,互相投訴對方,陸永要法官上身判刑,「又原告又被告,我告佢今日打我呀、今日佢畫我塊面呀, 一係就開始唔關自己事喇,佢畫梳化呀,佢唔肯着褲呀,好多呢啲投訴,所以我成日要做法官,不過佢哋唔係好曳嘅,即我判刑時,佢哋都樂於接受,會聽候法落, 叫佢罰企都肯罰企嘅,都算係咁,只不過會一犯再犯。」

撰文:Fiona Fong
相片:Missus6微博、IG

關鍵詞
陸永

你又點睇?

更多精選內容