何雁詩1個動作被批對兒子超危險 網民勁擔心1歲半仔仔
廣告
現年31歲藝人何雁詩(Stephanie)與鄭俊弘於2020年結婚，並在2022年誕下兒子鄭讚廷（Asher），一家三口幸福美滿。兩夫婦早前帶著兒子到主題樂園親子遊，Stephanie因為做了一個動作而觸動網民神經，慘被狠批，不過也有人覺得她的行為沒有問題。
何雁詩仔仔撞親鼻當冇事
近日，Stephanie在社交平台分享了自己帶同一歲半仔仔Asher去主題樂園玩的影片，片中見到兩母子玩了不少機動遊戲。不過，Asher在玩旋轉木馬時不慎撞到鼻，但當時Stephanie似乎沒有發現，依然抱住Asher繼續玩，二人笑容滿臉。
何雁詩抱仔阿仔上下揈超驚險
影片後半段就拍到Stephanie抱住兒子上下揈的畫面，猶如「人肉海盜船」一樣。Asher雖然人仔細細，但膽子頗大，就算整個人向下都絲毫不畏懼，依然「笑到見牙唔見眼」！
「倒豎葱」畫面網民反應兩極
對於何雁詩把兒子上下揈兼「倒豎葱」的畫面，頗受網民關注。有人留言狠批：「咁樣搖個仔……」、「玩夠才生仔啦！」、「蒸生瓜阿媽係咁啦」、「小朋友唔好大力搖」，都認為媽媽這個舉動會對仔仔造成危險。
不過，也有不少網民留言反駁指，認為媽媽的行為無問題，反覺得網民反應過於大驚小怪：「係香港啲細路先懶矜貴」、「有需要咁溫室咩？尤其男仔」、「大家細個未玩過呢樣嘢？」、「個個家庭都會同小朋友玩」、「打佢就話姐，玩都要比人話」、「有咩問題呢？咁樣玩對小朋友前庭發展有幫助㗎！好多人都會咁樣搖個小朋友㗎啦！」，紛紛為何雁詩平反。
