余文樂囝囝出世啦！

撰文：東方新地｜圖片：新傳媒、Instagram

余文樂囝囝出世啦！

余文樂在社交網站公佈囝囝出世的消息，他寫到：

大家好。我的名字叫Cody Yue
爸爸今天看到你出來的時候真的有種難以形容的開心。
感恩你和媽媽都平安沒事，謝謝我太太，媽媽真的很偉大!!

余文樂 親證太太有喜

余文樂同台灣「皮帶大王千金」王棠云拍拖不足一年閃婚，男神封盤，唔少人羨慕王棠云成功箍實爛玩的余文樂，直至上月出席記者會時，才承認太太有BB，仲話之前一直冇講只係想保護佢哋！

余文樂拖太太出巡

早前《東方新地》拍得余文樂同太太Sarah同朋友到跑馬地醫肚，離開餐廳時，余文樂掛住同友人傾偈，行得好急，搞到身後的老婆要快步跟貼佢，肚凸凸嘅樂嫂似乎被老公冷落。

當被問到老婆適唔適應香港生活，樂仔仲肯答：「OK啦！」但被問到老婆係咪喺香港生BB？以及鍾意仔定女？他就立即封嘴，更拖實老婆急急腳走人。

早前王棠云突然剪短髮，更被拍得挺著孕肚與余文樂遊泰國，傳當時已有6個月身孕。