全人奶谷肥 陳茵媺偏愛小公主
廣告
陳茵媺 與陳豪2013年在加國完婚，同年誕下大仔梓燁，15年初誕下二仔浩鋒，而去年四月再誕下女兒凱婷(Camilla)，三年抱三追女成功！雖然茵媺口裏說不會偏心，但所謂孻女孻心肝，她待女兒如同小公主般疼愛，全天侯親自照顧，完全不讓工人幫手！行街時小公主肚餓，茵媺隨即在七人車上餵奶，寵女程度有如碧咸夫婦對細女哈七一樣！
圖片來源︰新傳媒、微博
元旦當日，茵媺帶同三位子女及兩位工人到尖沙嘴，自己全程親力親為照顧Camilla，工人無法埋身，反而她放心將兩位公子交給工人照顧及陪上playgroup。期間小公主肚餓，茵媺將七人車泊在較偏遠位置後，便從司機位走去後座餵B近20分鐘。
兩母女shopping時，茵媺不時留意Camilla的一舉一動，不時踎低為小公主整理衣衫或摸手仔測試體溫，又會對住囡囡哼歌，廿四孝媽咪，有女萬事足﹗而九個月大的Camilla皮膚白晢眼又大，臉珠肥嘟嘟，猶如迷你版茵媺，係人見到都想錫一啖！
據知當初誕下兩子後，陳豪不想茵媺太辛苦，於是請了兩位工人分擔工作，又會叫陳媽媽及哥哥幫手。當時茵媺都很放心，一有時間就會同老公出去拍拖撐枱腳。但自從誕下Camilla後，茵媺就變得超級緊張，幾辛苦都堅持自己餵人奶、沖涼、換片及陪瞓等，就算陳豪曾提出再多請一個工人，不過茵媺都係唔肯，寧願自己死撐！
已為人母的茵媺曾強調永不言休，早年誕下兩位公子後都極速修身，出席不少event。但自從細女Camilla出生後，茵媺的心態可謂180度轉變，多次為湊女而推掉工作，近日幾乎絕跡幕前；為奶源充足又不戒食不減肥，認真廿四孝！
現時九個月大的Camilla為家中孻女，對上有兩個哥哥，樣子標緻可愛，被視為掌上明珠。Camilla被家人溺愛的程度，跟五歲大的碧咸愛女哈七(Harper Seven) 如同倒模！陳豪一家和碧咸一家一樣，都是連續生仔後追番個女，故兩位妹妹都是家中最得寵的小公主，爸爸媽媽錫到燶，萬千寵愛集一身！
全文完
