Hello Kitty 健康中心

全港首間 Hello Kitty 健康中心

熱話

廣告

其實邊有人鍾意睇醫生㗎?一入診所,冷冰冰嘅環境,加埋刺鼻嘅消毒藥水味,莫講話小朋友怕怕,大人都唔喜歡啦!尤其小朋友次次去唔係打針就食藥,對診所只有恐怖嘅回憶,難怪佢哋聽到要去睇醫生,扭晒計喊到死!如果有間好似童話屋咁嘅診所,感覺開心愉快你話幾好呢!

 

依家終於唔係得個諗字喇!因為香港首間 Hello Kitty 健康中心即將於11月22日開幕喇!既然講得係以 Hello Kitty 為主題,健康中心嘅裝潢當然充滿住可愛嘅氣息,整體佈置以藍白色為主調,配以 Hello Kitty 形狀門框、蝴蝶結梳化,仲要每個角落都有 Hello Kitty 玩具俾小朋友玩,同傳統嘅健康中心絕對差天共地,入到去根本唔覺得係嚟睇醫生。

 

除咗傢俬擺設係 Hello Kitty 外,健康中心內嘅用品,由藥袋、覆診卡、膠布到病假紙、收據等,都有 Hello Kitty 個「貓頭」,可愛到不得了,女孩子實勁鍾意!

 

Hello Kitty 健康中心 主打注射疫苗服務及健康檢查,旨在利用 Hello Kitty 可愛模樣,減低家長同小朋友對睇醫生嘅恐懼,宣揚「預防勝於治療」的訊息。

Hello Kitty 健康中心 除提供各種兒童疫苗及健康檢測外,亦備有多種成人疫苗,包括如流感、水痘及 HPV 疫苗,一站式過敏測試、過敏藥物治療、脫敏療程等。種服務,如流感、水痘及 HPV 疫苗等等。

Hello Kitty 健康中心
地址:尖沙咀東麼地道62號永安廣場1樓108室
服務時間:星期一至六 9:30am – 6:30pm;星期日及公眾假期休息
電話:39746698