餐廳點凍咖啡 4杯餐飲份量竟然各不同有杯得一半！？店員回應令人咋舌

Sep 11 2023

香港人工作忙碌，所以為了節省煮食的時間，很多時都會到外出吃飯解決三餐，而日前就有一名港人於網上分享自己的真人實測，叫4杯凍咖啡，發現每杯份量不一，有杯未飲就已少了一半，相當誇張，而店員的回應又十分過份，令人咋舌！

4杯凍咖啡杯杯唔同份量！店員回應令人咋舌

有港人與朋友一行4人光顧觀塘偉業街的一間越南餐廳，4人均叫了凍咖啡，但當咖啡來到時驚見每一杯份量不一，從相可看到四杯咖啡中第二、第四杯份量滿，但第一杯就比較少，而第三杯更是過份，比起其他少了幾乎一半，令事主感到傻眼。事主於是向店員反映，誰料居然得到如此回應：「因為無水，啲冰融左咪一樣」。事主聽到感到無奈，唯有將事件放上網讓大家評評理。

（圖片來源：Facebook@飲食黑店大全 (全港食店質素/價錢/服務關注組)）

網民怒轟：無水佢又開到門做生意？

對於店員的說法，網民就不接受：「咩係無水？無水佢又開到門做生意」、「一樣？滿就滿，未滿就未滿，點會一樣？冰溶咗個味都會一樣？阿姐你腦生草？」、「你同佢講我都無水，係咪可以比一半錢」、「第一同第三杯係乜嘢玩法」、「咁你埋單嘅時候咪同個收銀講：因為冇錢，畀白紙咪一樣」。另有網民指水吧伙計不會變通：「點解個水吧唔會左比右，右比左戥番埋杯杯一樣」、「冇水？熱水加冰咪可變冰水，水吧師父連平均份量都懶，扺畀人鬧」、「四杯平均返咪得」。有網民搞笑此其實是冰滴咖啡，「冰滴，正識貨」、「誤會深了，這才是正宗的「冰滴」咖啡」。