內地廉價團攻陷渣華道 坐商場門口等大巴 北角街坊：每晚8點唔好行入嚟

內地旅行團攻陷北角

入境處數據表示，國慶黃金周假期，本港各口岸8日共錄得約110萬內地旅客人次訪港，平均每日內地旅客入境人次約14萬，較五一黃金周高約一成；旅發局資料拍，酒店整體入住率達到9成，訪港內地旅客當中有約45%為過夜旅客。

日前，有北角街坊影相出Po，表示北角匯最近多了不少旅行團到訪，團友在ｓｓｓ商場內表現活躍，穿梭在多間大型服裝連鎖店遊覽。然而，該名街坊嘆「（北角匯）日日俾內地廉價團攻佔咗。啱啱行Uniqlo，班大陸人衝入，亂咁搞完啲衫，周圍大聲叫。」

街坊認為，本以北角海邊豪宅自居的海璇和基座商場北角匯落得如此境況，直指「住宅兩萬蚊呎都唔值」，相關帖文更引來同區街坊留言回應。

北角街坊點睇？

• 「每日6:00-8:00pm，真係唔好行渣華道及北角匯…..」
• 「佢哋好有隊形架！唔會確認唔到！」
• 「成日唔排隊沖落一田，又坐晒喺mos burger門口嘆冷氣，見到都唔開胃。」
• 「唔好用咩借口話遊客唔識，家教呢樣嘢同身份無關！」
• 「嗰到大巴又塞，環境愈來愈差，有負貴價豪宅之名」
• 「其實本身成個北角匯就係想做大陸團。」
• 「歌舞昇平，欣欣向榮，一片好兆頭，駛乜驚，冇有怕！」
• 「成日路過見佢地放飛劍去草叢。」
• 「之前不嬲都有大把旅遊巴大量大陸遊客停喺屋苑樓下，咁嘅樓梗係留返比大陸人買。」
• 「開盤六萬，宜家應該三萬幾到四萬左右。」

新地旗下的北角豪宅海璇位於北角渣華道133 號，項目自20187月開始入伙，共有6座，提供355個單位，單位實用面積由286呎至2,326呎。

海璇於2017年開賣時，開價一度動輒每呎5至6萬元。根據紀錄，2019年海璇1B期1座A室曾創天價成交，單位實用面積2,083平方呎，另設平台，成交價高達1.53億元，平均呎價高見73,470元。