升中派位｜女兒獲派「垃圾學校」 港媽鬧老師靠害：填30間做乜 女兒反應舉動網民痛心 對話曝光
升中派位｜徐榮10歲女兒包包小學畢業 透露升中安排 兼讀星級學院受訓
港媽港鐵內狂轟老師靠害：填30幾間做乜？
事件發生在上周二（7日）升中派位放榜當日，有港鐵乘客在社交平台發帖分享目擊經過。該名港媽因女兒派位結果未如理想，在港鐵車廂內喋喋不休埋怨，先是比較女兒與同學的派位結果，稱「同你差唔多成績個啲都派到啲好啲嘅學校」，繼而將矛頭直指學校老師，質問「你學校老師真係靠害，填30幾間做乜？填18間可能仲好啲」。
升中派位｜新油天朱同學獲派華仁片爆紅 竟引出圈中「真正九華朱同學」現身 父子兩代皆九華人
港媽怪責老師無早通知派位結果：真係好想打佢
該名港媽更不斷向身旁女兒施壓：「你面試真係要表現好啲呀，你成績唔係咁差架，但派咗間垃圾學校，面試唔好就真係要讀垃圾學校啦」，甚至表示老師應提早通知結果讓他們有更多準備時間，「其實老師噚日（7月6日）已知結果啦，早啲通知我地多啲準備嘛」，更直言「真係好想打佢」，情緒激動程度令旁人側目。
升中派位｜呂慧儀感觸晒兒子小學畢業片 大讚係Happy school 升中做足部署 心儀2類中學
女兒冷靜解釋派位機制反被無視
面對母親連番情緒爆發，這位剛經歷升中派位失意的女兒不但沒有崩潰，反而全程保持冷靜。當港媽質疑老師填寫志願數目時，女兒向媽媽解釋「老師話可能教育局個number比較後」，試圖讓母親理解派位機制，惟港媽卻顯得更加急躁，直斥「咩number後者，無端端有咩number?」，完全聽不入耳。
與此同時，女兒一直默默在手機上搜尋學校資料，更主動向媽媽提出「我哋去呢間申請啦」，積極尋找叩門出路。然而最令人無語的是，這位情緒激動的港媽竟然連叩門的基本準備都欠奉，反問「咩學校呀？咁點報？我哋都無表」，最後只能拋下一句「去咗先算啦」。
升中派位｜朱鎮男每天溫習15分鐘入華仁惹質疑 公開5年級起溫習時間表 媽媽分享派位前秘密部署
樓主感嘆港媽講一大堆完全幫唔到個女
目擊事件的樓主在帖文中感嘆，「個媽媽講咗一大堆野，但係完全幫唔到件事，幫唔到個女」，又指「個媽媽完全唔知個遊戲點玩法，但就係咁怪老師同嚇個女」。
不過樓主亦補充，該港媽全程「係無埋怨個女，佢一路都係埋怨學校老師。佢可能EQ同對個升中玩法唔熟悉，但我相信佢係愛錫個女嘅」，認為港媽只是不懂表達關心的方式。
有網民很關心升中填表為何要填30間，回應表示「三十個位真係要盡填，只係避免飛得太遠，只係叫你填30間你鐘意嘅上去。唔想大抽獎就一係填得保守啲，一係自行搞掂，一係俾錢讀直資。」
升中派位｜女兒派位不佳 港媽忍淚自責 被質疑填表1出錯位 叩門失敗網民1絕招讀心儀學校
網民熱議女兒高EQ令人心痛
帖文曝光後隨即引發大批網民討論，不少人對女兒的成熟表現感到既佩服又心疼。有網民形容場面猶如「大人湊細路」，認為女兒比母親更冷靜理性；亦有人批評港媽只懂發洩情緒卻對升中制度一無所知，連基本叩門流程都未有準備，卻將所有責任推卸給老師。不過亦有網民表示理解港媽的焦慮，認為天下父母心，只是表達方式欠妥當。
升中派位｜準華仁仔小六朱同學慘被潑冷水 名校生鍾培生10字KO酸民 公開恭賀朱同學
