保母

【睇到拳頭硬!】又搖又揈 吐口水畀阿B食 台灣保母劣行全紀錄

熱話

廣告

【睇到拳頭硬!】喺台灣,「請保母」係唔少新手爸媽嘅必要開銷,同時歷年最常發生涉及保母嘅事故,就係「窒息」、「頭部撞擊」以及「嬰兒搖晃症」,反映保母質素良莠不齊。近日在網上就瘋傳一條偷拍片,內容是一名保母在湊B時做出嘅粗野行為,所作所為實在令人心寒!

撰文:Joanne 圖片:網上截圖

將阿B大力又搖又揈

呢條喺網上瘋傳嘅偷拍片,據指係來自一個台灣家庭,於家中所裝置嘅監視器。片長約1分鐘,片中有一名中年女子,手抱一個BB,期間不斷將阿B大力又搖又揈!

不過最令人髮指嘅係,呢位中年女士竟然將口水,吐入BB個口入面!

網民激動大鬧

竟然咁樣對待一個冇力反抗嘅BB,好多網民睇完條片,都大鬧呢位保母離譜!

亦都有人話,可能係老人家古老嘅湊仔方法。

3歲以下不宜拋接搖晃

好多家長喺BB扭計嘅時候,都習慣以搖晃方式去哄BB,但係不嘅當晃動、拋接、撞擊或旋轉,都可能對BB造成「嬰兒搖晃症」,有可能導致失明、癱瘓或意識受損等永久性傷害,因此家長照顧幼兒時,應特別注意頭頸支撐的穩固性,以免釀成意外。

6個動作要避免

嬰兒搖晃症係指嬰幼兒嘅頭部因劇烈且快速嘅來回搖晃或撞傷,造成未發育成熟又脆弱嘅大腦受到扭曲同埋壓迫,引發腦部損傷,甚至死亡。嬰兒搖晃症最常發生於0至4歲間嘅幼兒身上。

以下係6個可能導致嬰兒搖晃症候群的危險動作,家長應格外注意。

  1. 晃動:雙手抓握BB腋下,前後來回晃動;用力搖晃BB;搭乘交通工具時,因外力造成BB頭部劇烈搖動。
  2. 拋接:上下拋接BB,或將BB直接拋到床上。
  3. 撞擊:掌摑BB。
  4. 翻滾:將BB放上肩膀上或坐在大人膝蓋上時,BB突然向後用力翻躺。
  5. 旋轉:抱住BB像旋轉木馬般旋轉。
  6. 無支撐:抱BB起身時沒有以手支撐BB頭頸部。