心直口賤唔一定係損友！ 研究：黑面嘅人通常有情有義
廣告
你有冇試過坐喺度冇啦啦畀人話黑面？好多人都成日會見到「黑面神」，佢哋雖然畀人感覺外表冰冷，一切事物都好似同佢哋無關咁，但外國有研究發現，原來「黑面神」嘅內心先擁有一顆為人之心；有啲人雖然心直口賤，但其實佢哋可能先最值得交嘅朋友，究竟咩人先係真正值得交心嘅「死黨」呢？依家就同你一一探討！
編輯：Sunday Kiss | 原文：經濟一週 ｜圖片來源： Instagram、TVB截圖、新傳媒圖片庫
「黑面神」特徵 1 – 較細心
加州心理學家Albert Mehrabian研究出，由於「黑面神」天生有此屏障，所以佢哋好多時會細心且冷靜地睇清楚四周嘅人同事物，呢啲「黑面神」會從而鍛鍊出超強嘅觀察力，識得篩選身邊人。
「黑面神」特徵 2 – 可靠
美國溝通學者John Lund表示，「黑面神」通常都係透過溝通來化解其他人對自己嘅誤會，而且為咗身邊好友著想，好多時都係心直口快，從而畀人一種可靠嘅感覺。
「黑面神」特徵 3 – 口賤但一針見血
如果好朋友搵佢哋傾訴個時，佢哋絕對唔會多番安慰，反而口賤但一針見血。雖然傾訴者聽到個刻會覺得有種被打、又或者係淋冷水嘅感覺，但佢哋都只係為好友著想先會咁說，其他人則由佢「去死」！
研究：外冷內熱嘅黑面好友才值得深交
此外，外國亦有研究指出「黑面神」實際上係好熱情，係典型嘅外冷內熱型。只要大家勇於嘗試同佢哋開聲對話，佢哋都會好樂意同大家建交。最令人感到溫暖嘅係「黑面神」都係好有義氣嘅人，大家不妨接觸可佢哋啦！
