吳岱融

吳岱融 愛的宣言: 只要一息尚存 我一定陪喺你身邊

熱話

廣告

早前播出的綜藝節目《1+1的幸福》中,請來 吳岱融 與鍾淑慧、陳奐仁與太太Prima、區永權同太太Clara做嘉賓。吳岱融憑早前熱播的《巨輪II》中,高天鷲一角爆紅,連Liza姐都忍唔住叫 吳岱融 同鍾淑慧做鷲哥鷲嫂! 吳岱融 曾被譽為「新加坡第一帥哥」,87年來 港發展,成為TVB藝人,後來因接拍劇集而與鍾淑慧擦出愛情火花,最後更結為夫婦,至今兩人已一起走過了27年,囝囝都20歲啦!吳岱融在節目中分享恩愛心得,仲公開示愛,搞到太太忍唔住落淚!

 

撰文:Fiona Fong、Jacqueline
相片:TVB《1+1的幸福》

節目中播返21年前的結婚片段,鍾淑慧都忍唔住話:「眨下眼就廿幾年啦!」不過結婚廿幾年,吳岱融越來越Man,鍾淑慧就無變過,連祖藍都大讚Keep得好好!

結婚多年,一直都咁恩愛,但吳岱融大爆年輕時怕結婚,因為覺得連自己都照顧唔到,點照顧老婆,點照顧一頭家呢?但直至遇到鍾淑慧!「當時我哋係套劇的男女主角,日日都見面,當我見唔 到佢時,個心又會話掛住佢,好想見佢!有一次印象好深刻就係,我哋等埋位時,我拎咗一粒細細粒發泡膠俾佢食,本身諗住玩下,整蠱下佢,點知佢真係食,我就 覺得佢好傻,所以我就諗住娶佢返嚟治下佢啦!」

永遠當對方係初戀情人

節目中, 吳岱融 仲同老婆合唱《只有情永在》,好聽就不在話下啦!唱完仲深情一吻,真係冧冧豬!由拍拖到依家27年,都Keep住咁恩愛,吳岱融話:永遠都當對方係初戀情人!「一對夫妻成日喺埋一齊,多多少少都有啲唔開心嘅事,我覺得要多啲喺對方的角度睇件事,同埋我哋要保持一種心態係,永遠都當對方係初戀情人,有時兩公婆結婚耐咗,可能會唔記得,會習以為常!」

唔捨得囝囝當兵

除咗心態上要永遠記住佢係初戀情人之外,行為上都好Sweet㗎!原來佢哋瞓覺時仲會攬埋一齊㗎!

佢哋嘅囝囝19歲,因為吳岱融 是新加坡人,兒子現在在履行兵役,吳岱融大爆太太好唔捨得!「我記得當時一拎封招募通知書俾太太睇時,上面寫住下個月要當兵,佢啲眼淚就係咁流,真係好擔心,頭三個月都唔可以返屋企,好彩依家分派咗文職工作,可以每日都返嚟!」

Liza姐問到結婚咁多年,有咩最難忘呢?吳岱融就話:「有一次我酒後打架,仲整傷鼻骨,當時我喺醫院,我老婆嚟到之後,佢無任何責怪我的說話,只係純粹關心我,仲有不斷安慰我,呢種感覺真係好好。」有個咁關心自己嘅太太,真係要好好珍惜啊!

只要一息尚存,我一定陪喺你身邊

太太深情剖白時,說了一句:「呢幾十年可以同你喺埋一齊,我已經覺得係賺咗啦!」而吳岱融就回應,「我淨係想佢開心,當佢唔開心時,我會嬲自己,點解佢會唔開心呢?我只係想佢開心啫。」

最後吳岱融唱咗首歌俾太太聽,之後只講咗一句說話:「只有一息尚存,我一定陪喺你身邊。I Love You, Dear !」令太太哭成淚人。

 

慶祝結婚周年

上年年尾,吳岱融仲趁住同太太結婚21年,再拍結婚照!好浪漫啊!

未理無綫反對 戀鍾淑慧

現在愛的甜蜜,但只想當年,其實並不被睇好!吳岱融 在拍攝《孽殺滅門慘案》時,與鍾淑慧擦出愛情火花,兩人當時已墜入愛河,愛得轟轟烈烈,最後更不顧TVB極力反對, 於95年毅然結婚。

當時二人低調成婚後,未獲外間所接受和祝福,他們到內地開展新生活。

雖 然兩人結婚一事對他們的演藝事業有不少影響,但沒因此受到打擊,夫妻二人仍然努力工作,鍾淑慧 繼續在娛樂圈做節目主持,而吳岱融為了生活,各種角色都接演。吳岱融表示從沒後悔結婚,更笑言兩人是一對「神鵰俠侶」,為愛而遁跡江湖,兩人一直風雨同 路,不離不棄。直至1997年,他們有了小朋友,鍾淑慧 就決定淡出娛樂圈,全心照顧兒子。

至 今,吳岱融 與太太 鍾淑慧依然非常恩愛,兩人的兒子 Justin已經19歲。由於吳岱融 是新加坡人,兒子需要服兵役,所以太太 鍾淑慧一直是新加坡、香港兩邊走,吳岱融 有時間亦會回新加坡陪伴他們。這刻對於吳岱融來說,最緊要便是家人,又謂不用兒子飛黃騰達,最重要是身體健康,做自己開心的事情就足夠。

 

縱使分隔兩地生活,兩人都是以家庭為首,互相扶持一起走過了20年,一家三口幸福洋溢。