唐詩詠喪母17年 落淚首揭母親突離世內情 拒與亡母再續母女緣原因
母親床邊突然吐血離世 改變唐詩詠一生
唐詩詠憶述，母親心臟裝有起搏器，惟未有按期更換，母親卻忘記，加上考慮到當時家中經濟狀況，原本打算再等一等稍後再更換，詩詠：「我嗰時候，我真係覺得係相信仲有啲時間。」豈料母親旅行回港後突然在床邊吐血，需要召救護車送院。翌日她心感不安趕往醫院，醫生卻告知母親已離世，巨大衝擊令她即場坐在地上：
「我想入去嘅時候，醫生佢就出嚟，佢話『你媽咪走咗』。嗰吓我就……又係劇本，我係即刻成個人坐咗落地下，咁我就完全完全……」
哽咽表示：
「我諗反應唔到，除咗喊之外，我可以做啲咩呢？冇，跟住個醫生見到我喊，佢就即刻行開咗，我諗佢想俾啲空間我，所以嗰個打擊，我而家諗返，其實我明白生死，但係我諗有時候係遺憾，就係有一種嘅遺憾，你會發現有啲嘢，你冇做到。」
多年後再談這一幕，唐詩詠仍難掩眼淚，坦言最難放下的並非生死本身，而是許多想做的事已永遠失去機會。
唐詩詠喪母後自責工作狂：完全冇理會過屋企人
面對主持敖嘉年及鄭家成追問，唐詩詠承認昔日把大部分時間投放在演藝工作，只著眼於劇本、導演要求及避免出錯，卻忽略了家人一直在背後照顧自己，直言「我俾得太少時間佢」。唐詩詠自喪母後有了很大反思，她覺得要對自己坦誠：
「我好明白，我嗰陣時就係因為拍戲，我喺我嘅事業奮鬥入面，完全冇理會過我嘅屋企人，我所有時間，我全部都俾晒工作，所以我冇擺過……我冇去好關心過佢，所有嘢都係佢關心我，好多時候媽咪會驚我冇嘢食。所以我好坦誠知道自己，原來我畀得太少時間佢，我好坦誠知道，原來我以為嗰件事係一件小事，始終媽咪喺我嘅心裡面，係一個好特別嘅一個位置，無論我而家學佛學到幾了解人生、幾了解生死都好，始終我呢個遺憾我知道我要去處理呢一樣嘢。」
唐詩詠拒與母親再續母女緣
被問到若遇上困難，是否會很希望母親能在身邊支持自己，詩詠坦言在頭七期間，她曾期待母親「回魂」或在夢中出現：「不要等她回來呀，我明明在家，為什麼會這麼安靜？我好期待。」然而她始終未如願，心裏亦不斷追問：「為什麼發夢都看不到她？很多事都沒有？」她說，唯一一次是在與朋友聊天時，曾隱約見到母親的身影浮現。
直到學佛並真正放下執念後，母親才開始更頻繁地出現在詩詠夢中，彷彿回到從前，像日常一樣替她煮早餐。至於來世是否希望與母親再續母女緣，唐詩詠則平靜表示：「冇，我希望我離苦得樂，我都希望佢都係。」
唐詩詠離巢TVB真正原因
唐詩詠在Hoy節目上也透露自己當時離開無綫的真正原因。她希望重新調整人生態度，把更多時間留給自己與家人。她不想讓自己再度陷進這份遺憾，反而希望一旦有機會，能夠修正錯誤、拆解自己的人生劇本：「我覺得能夠有修正嘅一個能力係好重要嘅，所以我點解會離開公司，點解我會俾返好多時間自己、屋企人，就係我會想修正返一啲自己嘅對自己嘅態度，同以往有少少唔同。」此後，詩詠除了繼續學佛外，也開始長跑、禪修等，逐漸為生活作出轉變。
唐詩詠13年後與家人慶祝生日成轉捩點
母親離世後，唐詩詠連續13年沒有慶祝生日，直至2022年5月才首次與父親、兄長及嫂嫂一起切蛋糕。她透過佛學、長跑與禪修逐步整理情緒，亦明白過去無法重來，能做的是修正往後的生活。由拒絕慶生到重新接受家人陪伴，這個看似平凡的生日蛋糕，最終成為她走出遺憾的重要一步。
