嘩鬼上學去

【小創夢家】《 嘩鬼上學去 》英國名校來港辦學

熱話

廣告

農夫無厘頭的搞笑作風,即使去到英國拍攝《 嘩鬼上學去 》依然冇停過,第一集已有勁多爆笑位,玩完同學再玩老師同校長,第二集體驗運動項目慘變泥漿人,到第三集依然保持佢哋嘅搞笑風格,不過今次唔講節目內容,同大家介紹下農夫佢哋讀嘅呢間英國寄宿名校,原來學校仲計劃下年喺香港辦學,實行外地教育!

 

撰文:Heidi Lau
相片:網上圖片

《 嘩鬼上學去 之農夫篇》C君同陸永讀嗰間Mount Kelly College(凱莉山學校),由兩間學校Kelly College和Mount House School於2014年合併而成,兩所學校都有超過100年歷史。

凱莉山學校位於英國西南部小鎮Tavistock,鄰近達特摩國家公園,有極寬闊的草地,校舍外形莊嚴傳統,像世外桃園嘅城堡一樣。學校採寄宿制,係英國10大寄宿名校之一,招收3-18歲的男女學生,分為Mount Kelly College及Mount Kelly Pre。

學校佔地150英畝,有8個草地球場、700平方米室內體育館、25米室內游泳池、攀岩牆和室內射擊場等。該校仲特別注重學生多元化發展,《 嘩鬼上學去 》節目入面,C君同陸永就嘗試咗多種課堂活動,如畫畫、板球、拉丁文和泥漿跑等。

學校嘅運動成績在英國享負盛名,尤其游水最為出色,更稱得上是英國游泳隊的選手搖籃,現時英國代表隊選手Daniah Hagul便是該校Year 12學生!

至於在香港開設首所Pre School,提供由year 1至year 8課程,學校名為Mount Kelly International School (凱莉山國際學校),根據學校網頁記載,教學大樓設計參照英國校舍,校園設於屯門小欖掃管笏,暫定2017年9月開課,課程將以英式教育模式為核心。學費擬定於每年15萬至18.5萬元;而提名權費,校方稱每位入學學童必須持有面值192萬港元的個人提名債券。

不過,上個月教育局證實,學校撤回註冊申請,據悉並非取消在港設校計劃,只是就申請作出補漏,學校方面強調計劃並無延期,仍預計明年9月開校。

你又點睇?

更多精選內容