囝囝牛津碩士畢業 譚詠麟 赴英晒幸福合照
廣告
譚詠麟 近日𡁵微博發布好多在英國嘅靚相，原來此行係為左參加囝囝譚曉風嘅畢業禮。年紀輕輕、21歲嘅譚曉風認真叻仔，近日喺牛津大學工程科學課程碩士畢業，譚校長實為囝囝感到好驕傲！
撰文：何珈彥
相片來源：譚詠麟微博
譚詠麟 就算八月底要同歌神許冠傑開演唱會，正如火如荼準備，自己囝囝譚曉風畢業大日子當然唔可以缺席。譚校長放低手上工作，飛左去英國睇戴四方帽既曉風，見到合照入面嘅校長笑到見牙唔見眼，非常開心！
譚校長平日好少比曉風露面，雖然相中嘅曉風依然得背面，見到佢高爸爸成個頭，高大威猛。曉風喺2013年以英國高考試GCSE 12A*嘅成績，拔尖考入頂尖學府牛津大學，四年之後就碩士畢業。聽說曉風亦遺傳爸爸音樂細胞，彈結他、彈鋼琴、打鼓樣樣精，運動才能都唔錯。連爸爸好友、做Uncle嘅曾志偉都話「巴閉」，譚校長實為曉風覺得好自豪，佢返港後都話多謝大家嘅祝賀。
今次英國之行，除左見囝囝，譚校長當然唔少得見下朋友同周圍行下！返到香港，譚校長又要繼續為演唱會努力，畢咗業嘅曉風之後應該要番黎支持番爸爸啊！
全文完
