被批「字醜!重寫?」 網民: 太傷小朋友 自尊
廣告
小學生功課繁重就眾所周知！每日要完成一大堆功課絕對唔容易！不過如果你收到功課既評價係兩個紅色大交叉並要求重做，而原因係因為「醜字」！唔知你又會有咩感受呢？有網友在「不願小朋友成為功課奴隸」FB群組發文，指被老師紅字寫上字醜，而要求重抄，留言都紛紛表示，太傷小朋友 自尊 心。
撰文：Crystal
圖片：「不願小朋友成為功課奴隸」FB群組
網民在社交網站Facebook群組「不願小朋友成為功課奴隸」上載圖片，相中可見有小學生抄寫了一篇約150字的文章，題為《手捧空花盤的孩子》，只見老師審批後，用了兩個紅色大交叉，更以「醜字」為原因要求學生重寫。該家長在群組上直言，「我都想寫靚d(啲)，但係無時間，趕住做其他功課」；理解到學生面對排山倒海的功課未有足夠的時間抄寫外，亦感受到家長的無奈。此post一出，網民議論紛紛。
網民熱烈討論，認為標明「醜字」會傷小朋友自尊心，對做功課更加提不起興趣！更指其實老師可以寫「字體可以更美」、「字體有待改進」，令小朋友有動力去重寫！
兩位網民都提到見到學生字體不美時，可以先了解學生寫字不美背後原因，而不是一刀切打擊學生自信！
