地產代理

地產代理扯火喪鬧反價業主3分鐘!網民讚:一句粗口都冇講犀利

熱話

廣告

疫情期間,經濟不景,在通關之後理應經濟大復甦,地產代理在通關「大陽春」後反而生意更加難撈!日前網上就有流傳一條短片,短片內主角疑似地產代理的男仔在通電話,而相信電話的另一方就是業主,對話內容在短短兩分鐘多內「連珠爆發」,喪鬧業主反價、直指「Agent係咪畀你咁玩」。

地產代理:唔簽你咪講清楚囉!

香港地產市場一直以來都是一個活躍的市場,但經過疫情、通關,市道似乎未能全面復常,同時加劇Agent搵食的不確定性。

日前,網上流傳一段為「地產經紀電話怒X反價業主血壓升到115」影片,片長約2分47秒,事件主角疑為一位地產代理,甫開始便向電話另一方就反價一事連串炮發,指業主食言未能成Deal。

過程中,雖然該名代理言行激動,但未有說過一句粗口,表現尚算克制。從內容得悉,業主首先反價15萬,然後又嫌棄欠兩千元,故遲遲未肯首答應完成交易,令代理相當勞氣!

代理真實對話節錄

  • 「我跟住同你搞搞搞搞搞,我又加15萬,尋日你同我講再爭兩千!爭兩千我畀你囉,攞個意頭價姐!」
  • 「你唔兌現承諾就要我明白呀?」
  • 「唔簽你咪講清楚囉,我哋Agent係咪畀你咁玩?」
  • 「你玩我一吓唔夠,仲要玩我兩吓!」
  • 「張票我晨早有咗啦,我咪跟你指示囉!」
  • 「我今朝6點返嚟呢度大埔,我住屯門,你同我玩咩呀?我而家血壓115呀!」
  • 「前日成交咗一間單位568萬呀!唔兌現承諾,大人嚟架!過咗18歲喇!」
  • 「讀咁多書有咩用丫!唔係一個電話打嚟唔玩就唔玩架呢個遊戲!」
  • 「我講而家都未講粗口呀!」
  • 「打電話投訴我丫!」
地產代理
(圖片來源:YouTube@naghk)
地產代理
(圖片來源:YouTube@naghk)
地產代理
(圖片來源:YouTube@naghk)

網民點睇?

  • 「血壓115好正常而且屬於靚添,點會爆血管?」
  • 「個業主反一次都算,反完一次,再反多次價,遇到咁嘅西客,agent 燥底好正常。」
  • 「少爺,單單都咁易你咪好發?跟阿姐學下乜嘢叫平常心。」
  • 「要識安慰自己,乜嘢時勢,反完賣得出祝福佢先叫高EQ。」
  • 「血壓115 好靚仔咋,過180先喇!」
  • 「人客一日未簽,一日都可以講價,有權抬價有權壓價,代理同兩邊傾都有預大幅度價錢走位㗎啦,代理本身都係大話連編。」
  • 「佢地心態係老馮要俾佢賺,買賣兩邊都欠左佢。」

圖片來源:YouTube@naghk