太爺設靈 瘋狂奶奶十號風球都要乖孫出去
廣告
昨日香港十號風球橫風橫雨，所有人都盡量留喺室內，偏偏有人唔理危險，冒死要走出街。有位媽媽就喺網上討論區分享，奶奶就要求兩個孫仔女，掛緊十號風球時都去靈堂拜太爺。
撰文：TLY｜資料來源：網上討論區｜圖片：myTV截圖、新傳媒資料庫
十號風球去靈堂 奶奶激到新抱牙血都出
昨日打十號波，有位媽媽就喺網上討論區話佢老公嘅爺爺設靈，而太嫲同奶奶竟然向新抱要求，帶同一對只得幾歲嘅孫仔女去靈堂，就算橫風橫雨都一．定．要．去。做媽媽嘅就緊喺嬲啦，「有咩意外邊個賠返對仔女俾我啊！」好彩媽媽夠堅持，要奶奶出街感受下強風先講；最後奶奶先至醒覺唔對路，一對仔女先可以安全留喺屋企咋。
網民撐樓主：想你全家去陪呀爺？
網民睇完呢位媽媽嘅故事後都覺得奶奶好瘋狂，因為奶奶竟然叫個仔（事主老公）揸車去，但有車都唔係萬能，揸車都係搵命搏。有網民話揸車都根本睇唔到前面路況，同埋係隨時有雜物飛埋嚟。佢哋一定係養尊處優左好耐，危機意識先會咁差。
又有人教媽媽點應付奶奶，可以試下講：「香港有幾可打十號風.. 個天都唔想我地去。一定係先人顯靈, 示意我地唔好去⋯⋯」祖先都出動埋，唔到奶奶唔屈服。有人直接話：「想你全家去陪呀爺？痴上腦？」，其實呢七月十四都唔喺過咗好耐，唔好咁邪啊⋯⋯
