宏福苑大火｜好爸爸本來返工可避一劫 為救BB衝入火場終罹難 網民揭事件另一版本
好爸爸原本因返工逃過一劫
有網民在社交平台發文，透露其舊客戶在醫院工作，因此得知這名大埔醫院病人服務助理的遇難內情。據了解，這位助理當日原本要返「通宵更」，火警發生時他與太太都外出工作，家中只有BB及老人家。下午3時許，當他得知宏福苑發生火警的消息後，曾致電醫院表示「今晚返唔到工」，並立即決定要衝入火場拯救家人。醫管局表示，這名離世同事在大埔醫院工作多年，一直盡力盡責服務病人，深受同事愛戴。
宏福苑大火｜趙學而證噩耗歷雙重打擊感心痛：睇住佢長大嘅妹離世
病人服務助理為救家人衝入火場
當天下午6時後，病房同事開始與這位助理失去聯絡，直至最終確認他不幸遇難。發帖網民感慨地寫道：「即係佢本身唔使死，但為咗試嚇救屋企人先搏命……」、「RIP……幻想唔到做父母可以有幾偉大」。消息證實這位好爸爸最終與BB、老人家均遇難，全家僅餘太太一人生還。
宏福苑大火｜12歲女童痛失最好朋友喊至失聲 寫下深情40字泣別 網民淚崩
網民淚崩父愛偉大
不少網民看到這個故事後表示「睇到喊咗」，紛紛表達對這位好爸爸的理解和敬佩。有網民留言：「做父母只想盡一切努力去保護子女」、「我做左人媽媽我好明白 小朋友有事做父母的一定 第一個衝去保護佢」、「子女的命比自己重要，是為人父母後才會知道的事」、「如果唔衝，也會內疚一生……」、「有牽掛嘅人係會奮不顧身㗎」。更有網民感性地說：「我衝，最多攬住自己最心愛嘅寶寶一齊走最後一段路」 ；不過都有人認為「我情願佢入唔到去而內疚，都唔想佢死」。
除此之外，也有人擔憂為全家唯一生還者太太，「老婆應該呢一世都會好傷心 希望佢搵人傾訴吓唔好屈住喺個心入面」。
宏福苑大火｜孖女證罹難 著名時裝設計師痛失雙胞胎妹妹：全家打擊
網民透露事件另一說法
雖然也有網民提及另一個說法，指這名病人助理可能是剛剛2點收工回到樓下時遇到火災，「樓主個衝入火場講法, 之前網上都有人寫過.但fb 既同事版本並無提及呢點. 反而係寫兩個人一齊兩點放工. 下一更就失去聯絡.火警係2:51 分發生. 好可能係火警發生前, 已經由醫院到屋企」， 有熟悉醫院更表的網民同意表示「係。因為佢地如果要返通宵 係返當日 「早更+通宵更」 即係一日返兩更。有機會收2點，返到去樓下岩岩好見到燒緊，考慮完一輪，打埋d電話就衝上去」。但不論是哪一種情況，這位爸爸毅然衝入火場拯救家人的事實都令人動容，不禁令人讚嘆父愛的偉大。
消防處副處長陳慶勇名校學霸背景 忍淚應對傳媒獲讚 英文名揭父母教養
