婚姻問題

婚姻問題 俾你揀多一次 仲會唔會嫁呢個老公?

熱話

廣告

結婚係人生大事,絕大多數都係一生人一次。但結婚後總會因為唔同嘅問題出現爭拗,有時係因為家務問題、有時係因為湊仔嘅問題…最近有媽媽喺討論區度留言問婚姻問題:「揀多一次 仲會唔會嫁呢個老公」,估唔到答會同唔會嘅各佔一半,亦有部份媽媽就話因為某啲因素需要考慮下。

撰文:Sunday Kiss
相片:影片截圖

婚姻問題 揀多一次 都會想會嫁俾呢個老公

普遍答話揀多一次,都會想會嫁畀呢個老公嘅媽媽們大多數都話因為老公對自己好好所以唔捨得分開。

依一刻,一定會!結婚後、生B後,更加覺得無揀錯。

有網民話結婚多年老公仍然對自己好好,所以答會!

會…因為一齊加結婚已20年…他仍然當我公主咁錫…

亦有網民話老公願意照顧自己,就算自己有重病都無嫌棄,所以一定會嫁返俾佢!

未結婚之前佢知我有重病,但佢無嫌棄無丟低我,結婚之後乜都願意照顧我,我前世唔知做左咩好事可以有呢個老公

部分揀「會」嘅媽媽就話如果有得揀,唔會咁早生小朋友,甚至唔生。

都會,但可能唔生,因為佢完全唔鍾意照顧小朋友,我真係好辛苦

有網民就話人冇完美,佢認為自己老公已經係最好!

會!揀多一百次都會!人冇完美,佢都有缺點,我都一樣,但我相信佢於我喺最好的老公!

揀多一次 唔會想會嫁畀呢個老公

而答話唔會嘅媽媽們嘅語氣就激好多,好多都好確實咁答「一定唔會」。主要原因都係屋企人問題,依一類媽媽好多都係因為有小朋友嘅原因先繼續同而家嘅老公一齊,不過夫妻相處有爭拗在所難免,有時候坦誠咁講出想老公陪多啲,或者可以重拾返拍拖個陣嘅感覺呢!

有網民話覺得自己唔適合婚姻生活

如果未生b都想離婚喇,覺得我唔太適合婚姻生活

有網民就話覺得老公需要阿媽多過老婆,仲話下一世唔想再見添

一定唔會,佢需要佢呀媽多過需要老婆,下一世都唔想同佢撞返

有網民斷言話寧願做同性戀者都願意再同而家嘅老公結婚

一定唔會,攪基都唔會!

亦有網民話因為雙方嘅興趣觀點都唔同,為咗仔女嘅事嘈咗好多次,所以唔會想

唔會… 由拍拖已經知道2個人的興趣和觀點好唔同, 以前仲會你就下我我就下你, 到結婚生埋仔之後,為左仔女的野嘈左好多次, 好唔開心, 但因為有仔女, 想離開都唔係容易的事

人類對自己嘅要求高,有網民話覺得老公唔係自己想要嘅人,即時老公對自己好好都想再揀過

其實我老公對我好好。但有得選擇,我想再擇過,人愈大覺得佢唔係我想要既人,我咁樣講覺得自己好衰

有網民直頭話有得揀,寧願折壽都唔會同而家老公結婚

折壽都要離開身邊件垃圾!

揀多一次 要考慮下嫁唔嫁畀呢個老公

而有部份網民就話需要考慮下,或者接觸多啲人先決定。有啲因為老公性格問題,亦有啲係因為老公家人嘅問題。

好矛盾,我老公絕對好~我好中意佢!唔捨得分開~但係我99(奶奶)會令我覺得如果我無遇見過我老公咁就好啦~

有網民就話因為老公家人問題所以要諗諗

如果無佢屋企人就會嫁俾佢~因為我地嘈交多數關佢屋企事!!

亦有網民話會上接觸多啲男性再作決定

會接觸下多啲男性再決定,冇話佢唔好但唔會想即嫁囉~到而家有兩個細路都係覺得可以同佢過人世既

你又點睇?

更多精選內容