隧道塞車俾小朋友操軚揸Tesla！司機身分被踢爆 11字回應傳媒

大欖隧道塞車自拍上網呻苦 港男自爆抱小朋友坐大腿揸車

大欖隧道昨（21日）發生奪命車禍，區內駕駛人士要經大欖隧道出九龍就要面對大塞車的問題。不過疑有港男因在過收費區時塞車太久，忍不住在Instagram限時動態發表意見，並打上一句「塞完車未，已經個半鐘了」。塞車本無太大的討論空間，惟這張相被網民轉載到Facebook瘋傳，事關照片中可見一名小朋友坐於駕駛者的大腿上，手握軚盤，不少人見狀紛指「係咪咁無腦，係人都知揸緊車嘅時候都唔可以畀小朋友坐於駕駛位啦？」、「D人咁鍾意將犯罪證據自己放上網」。

網民：呢個帳戶名咪就係大名鼎鼎嘅足球員囉！

把小朋友抱在大腿上駕駛的行為瘋狂被網民恥笑「無腦」，亦嚴斥危險，對道路使用者造成安全風險。而有眼利的網民更懷疑「自爆者」為一夠黎姓的足球員，早前曾涉及「愉園涉打假波」事件。

網民續指從其個人社交平台的個人介紹來看，相關人士從事保險業。他亦曾為元朗青年隊成員，先後效力流浪、元朗，以及甲組球隊愉園等球會。今年捲入「打假波」案件，是被廉署拘捕的23人之一，現疑正接受調查。

不少網民看到此消息後，紛紛嘲「踢唔成波就做保險，做保險連呢個小小安全意識都無，仲有咩人會幫襯佢」、「除左用on_嚟形容，我都唔知有咩比較好」、「踢假波出咗名都嫌唔夠，揸車都要博出名，真係勁」。

身分遭起底 以11字回應傳媒

被網民踢爆身分後，TVB「東張+」聯絡到黎先生查證，他未有強烈否認，但只回覆：「唔好意思，暫時唔係好得閒」就沒有其他回應。

其實在香港容許兒童或其他無駕駛執照的人駕駛，有可能觸犯容許他人無牌駕駛罪，首次定罪可處罰款5,000元及監禁3個月；如屬第二次定罪或隨後再次被定罪，則可判罰款1萬元及監禁6個月。奉勸各位駕駛人士勿為打卡，或為小朋友打卡而輕舉妄動，安全至上！