「山竹」吹爆走廊玻璃 森美呼籲：「安全為重！」
廣告
喺十號風球之下，香港好多地方都受到嚴重破壞。森美雖然一早喺屋企做好防風準備，但係都不敵「山竹」嘅破壞，走廊玻璃爆到一地都係，面對狼狽情況，仍不忘提醒大家要以安全為重！
撰文：Joanne 圖片：森美IG
走廊爆玻璃
森美今日喺IG 連PO三個帖文，原來係屋企大廈走廊吹爆玻璃，佢喺個人IG PO出短片並留言：「就是忘了走廊！小心各位！」片中所見走廊有塊玻璃爆咗，一地都係碎玻璃！
森美話屋裡面都仲好安全，不過放喺露台嘅冰櫃就吹冧咗！
見到咁嘅情況，森美就即刻搬番個冰櫃入屋，驚佢會吹出街！不過因為風勢好大，佢行出去露台嗰陣都覺得好驚險！本來諗住搬番啲花盆入屋就得，冇諗過冰櫃咁重都吹得郁！仲提醒大家要小心，要以安全為重！
