31歲岑珈其曾於片場被嘲諷 感激太太1件事 自爆對呢個女星心動過:老婆都係呢個性格
兩年前定下目標 30歲後擺脫「御用學生」
岑珈其在《IT狗》中飾演「趙家俊」一角，戲份亦較多，終於不用再演學生，是一個很好的轉型機會。他指自己於2008年入行，因為長相童顏的關係，經常飾演學生角色，更有「御用學生」之稱。現年31歲的他已為人夫兼爸爸，原來在兩年前早就為自己定下一個目標，就是30歲時不再演學生。
逐一點評《膠戰2》一眾拍檔的缺點
綜藝節目《膠戰2》中火爆「爺爺」的人設令人不禁爆笑，私底下跟一眾拍檔「老友鬼鬼」，林柏希就叫他逐一點評他們的的缺點，他說：「Jeffrey缺點就係太靚仔，太令人羨慕！Edan缺點就係玩遊戲太奸呀，因為我睇過佢點樣出賣阿正，哈哈哈！阿正缺點就係佢太過mean，成日笑我矮笑我樣衰！Hillary缺點又係太靚囉，你知唔知佢玩遊戲好叻㗎！肥腸太過認真呀，太過誠實呀！」。
把演員當成終生職業 感激老婆不曾給壓力
被問到會否將演員當成終生職業，岑珈其非常確定的回答是，如果條件容許的話，更會演戲演一輩子，因為這是他的夢想，而且是一個很喜歡的興趣：「其實我已經將演員定咗為自己一個夢想，一個終身職業，如果條件容許，我想演戲演到老！我一定又唔係高大靚仔，我憑咩呢？所以細個好無自信，亦都唔相信自己會成功，但係呢一個係我最鍾意嘅夢想，我唔想錯過畀自己後悔！」
岑珈其曾為夢想追夢而導致入不敷支，需要靠打散工維持生計，但老婆卻沒有給他任何壓力，他指認識太太時，對方並不知道他是個演員，因為他根本沒有名氣：「我好多謝太太，佢無畀我任何壓力。認識佢嘅時候，她不知道我是演員。我當時完全沒知名度，其實現在也不是很出名。」
最刻薄的說話具人生攻擊仍不阻他追夢
岑珈其自爆曾在片場聽過最刻薄的說話，就是曾經在多年前被導演用粗口問候：「我諗係拍電影，我唔記得邊一套，然後嗰個我唔記得係副導演定PA，總之就係鬧：『X，你以為自己邊個呀？真係以為自己做演員就係明星呀！收皮啦，又矮又樣衰。』」即使聽過如此具有人生攻擊的說話，但他仍然為夢想堅持，可見他對演戲的熱愛。
渴望拍韋小寶 更表示曾對余香凝心動過
岑珈其最想挑戰的角色是《西遊記》孫悟空及《鹿鼎記》的韋小寶，更即場挑選圈中女星為韋小寶老婆人選，如陳凱詠、余香凝、談善言、陳漢娜飾演韋小寶的老婆，他解釋︰「陳凱詠係過癮，我哋曾經合作過一次，幾適合再合作。余香凝同我好有默契，而且我哋嘅身高相差太好笑。」有份演出《IT狗》的Johnny仔（阿超）於節目中《大膽答 冇膽食》環節亂入現身，問到他可曾對合作過的女星心動過，他強調自己很愛老婆，每次拍完戲也能夠抽離角色，及後補充說：「如果要計，我諗係Jennifer（余香凝）囉！佢係一個好善良，好動又大癲大肺嘅人，點解我咁講，因為我老婆都係呢啲性格！」 可見他轉數很快。
與ben哥撞樣岑珈其大嘆氣埸似
在影片的尾段，岑珈其被問到有否覺得自己跟老戲骨袁富華（Ben）撞樣，他說︰「其實我覺得是個氣埸似，樣子不是特別似，但氣場似。我認識的Ben哥有幽默感，個子不是特別高，然後又係幾鍾意講野，而且也很喜歡演戲。」
