工人姐姐將GUCCI手袋洗爛 港男上網求救反被網民鬧：你做得好錯！
廣告
名牌手袋有價有市，每個動輒數千甚至過萬元，對普通打工仔來說，都會思量一番，一旦決定購買，便會視如寶貝小心呵護。如果被別人不小心弄壞了，便會大發雷霆。近日，有港男於討論區發文求救，指自己不小心把老婆的「GUCCI」手袋放進洗衣機弄壞了，不知如何是好！
工人姐姐將GUCCI手袋洗爛 事主急上網求救
事主在「聘請工人姐姐關注組」上出 post 求救，指自己老婆激嬲，原來是太太「要姐姐抹下個GG袋，佢居然放咗落洗衣機洗，成個袋洗到爛咗」，事主只好求救網民，「想問吓係咪姐姐整爛嘢最多賠$300」，更指目前手袋已經贈給工人，大概是心感無奈，才上網詢問網民意見。事主亦放上兩張圖片，圖片中的手袋略為殘舊，右下一角原本是 GUCCI 的經典 LOGO，經洗衣機清洗後卻明顯脫線，相信已經是無法還原。
網民分成兩派：好心自己洗啦！
網民看到事主的分享後都議論紛紛，有網民認為錯不在工人，認為事主應該要自己處理貴重物品。「其實貴重物品應該要同佢講埋點樣洗，唔好當d姐姐咁叻，十個九個半都唔識轉彎，除衰嘢外」、「我自己貴嘢唔會叫工人幫我洗」、「我習慣自己同屋企人既衫係我自己放入洗衣機，落洗衣液+開埋機先最放心，佢哋只可以做啲最basic嘅嘢，要判斷都係交比自己」。
有網民認為工人是故意的：擺明有預謀啦
也有不少網民認為工人姐姐是故意的，「我一定會自己處理， 唔好經人地手， 女人妒忌心好重呢個牌子佢地又識。」、「你掉咗佢咪啫係佢會據為己有囉，擺明有預謀啦」、「專登㗎喎」，更認為事主的事後處理同樣不對，「你比佢！？咁會唔會鼓勵佢再接再厲？」，不應把手袋送給工人，變相令她覺得弄壞反而有收穫，錯上加錯。
圖片來源：Facebook@聘請工人姐姐關注組截圖、TVB《愛回家之開心速遞》截圖資料或影片來源：原文刊於新假期
