撰文︰Sunday Kiss

圖片︰Instagram

2012年港姐冠軍張名雅今年8月時承認已答應男友求婚，表示婚禮已籌備了一段時間，然後好快就在九月初舉行婚禮。結婚結得咁急，回答又咁耐愈人尋味，所以當時唔少人都估計張名雅其實已經有喜！

不過之後張名雅在IG大晒性感三點式泳衣照，身材fit到爆，又唔似係有喜喎，到底件事係點？

今日終於揭盅！張名雅上載一張與老公Joe的合照，兩人着上《孖寶兄弟》角色Luigi套綠色衫，齊齊戴上綠帽，唔講以為係萬聖節裝束，不過見到相中的張名雅明顯肚凸凸，Joe更雙手摸住老婆個肚，場面好溫馨！

同時見到張名雅自問自答︰「Where’s mario? I’m here, in mommy’s tummy! (Mario喺邊？我喺媽咪個肚入面！) 正式宣布有喜！張名雅接受訪問時表示，唔係故意待有咗三個月先宣布，純粹係希望留有一點私隱，現時亦未知肚中BB的性別。總而言之，恭喜晒！

全文完