張繼聰爛Gag當禮物 謝安琪:我真的很滿意
廣告
謝安琪（Kay）日前同親友慶祝41歲生日，愛妻號張繼聰究竟做咗咩準備冧老婆呢？原來謝安琪一早已經吩咐老公張繼聰唔需要買禮物，不過出名愛妻嘅阿聰，當然都要有所表示！
撰文：Sunday Kiss
圖片：謝安琪@FB
張繼聰爛Gag當禮物 謝安琪卻開心一整日
日前，謝安琪（Kay）41歲生日，呢日Kay上載咗佢同老公的whatsapp對話，原來張繼聰以笑話做禮物，成功氹到老婆好開心！Kay最冧老公講笑話，佢大讚呢份係今年收到最滿意嘅禮物，令佢開心咗成日，第二朝再睇多依然覺得好搞笑！
Kay留言話：「衷心感謝大家的祝福，收到許多朋友在我生日當天，去支持不同慈善團體的收據、相片、感想等等。謝謝大家把對我的愛，化為對社會上有需要的朋友的支持，讓我的生日祝福更加別具意義！而我今年收到最滿意的一份禮物，是由張先生親自送出的，我跟他說不要給我買禮物，請說一個笑話讓我開心一整天。不得不說，我真的很滿意！因為我今天早上，再重溫這一則笑話，仍然覺得很搞笑！謝謝你 張繼聰 Louis Cheung」
張繼聰亦分享咗一段抱住大仔張瞻的舊片，兩父子同步開心搖搖頭，又留言：「Happy birthday my lovely wifey 我地會繼續努力，等你每日都happy happy！」
