怪獸家長玩手機懶理小孩亂叫 餐廳推1絕招父母投降 網民直指大快人心!

熱話

廣告

不少人都會害怕小朋友在公眾地方大吵大鬧,期望家長能夠管教好小朋友避免失控,騷擾他人。但有網民討論指出在街上遇到小朋友亂叫、嚎哭,多數父母都仍然低頭玩手機而不理會小朋友,往往要由外人出聲提點。新加坡有餐廳為了應付小朋友搗蛋、亂叫的行為,使出一招嚇到怪獸家長不敢不從,網民紛紛叫好,更希望香港有餐廳可以效法;有父母則直斥餐廳欠同理心,只係為了生意而嘩眾取寵。

怪獸家長 絕招 最近有餐廳針對小朋友的新舉動令網民讚好示意圖,非當事人)
不少人都會害怕小朋友在公眾地方大吵大鬧,期望家長能夠管教好小朋友避免失控,騷擾他人。(示意圖,非當事人)(圖片來源:TVB《寶寶大過天》截圖)

家長低頭玩電話懶理小孩於餐廳哭鬧 新加坡餐廳用1招即起阻嚇作用

不論乘搭公共交通、餐廳用膳、街上行走,不少人都怕遇到不受控制或大哭一場的小朋友,最怕的並非「未懂事」的小孩,而是應懂事但又懶應付的家長。曾有不少網民希望在飛機或地鐵中設立成人專區來避開「麻煩」,「專區」一日未見,先見餐廳老闆出招。很多人都指新加坡做事速度快,就連對付怪獸家長的速度都快人一步。新加坡餐廳「Angie ‘s Oyster Bar and Grill」在推行一個絕招:有網民指「一旦預約這家餐廳時便會收到確認訂位的簡訊,內容就預先警告客人,一旦小孩大聲吵鬧或失控,便會加收10新加坡幣當罰款」。

怪獸家長 絕招 曾有家長因只顧玩電話懶理貪玩小朋友而發生意外示意圖)
曾有家長因只顧玩電話懶理貪玩小朋友而發生意外(示意圖)(圖片來源:Facebook@屯門牛)

餐廳指措施為提供舒適的用餐環境 加收兒童吵鬧費阻嚇成效顯著

對於這項措施,店方曾解釋指過往收到太多投訴,店內常有小孩跑來跑去或騷擾其他客人,但家長又不加以監管,指「咁樣其實好危險,店員成日都拎住熱嘅食物同鋒利餐具,同時都好唔尊重客人」。為提供舒適的用餐環境,加收兒童吵鬧費是一個具阻嚇作用的方法,餐廳更表示「自從用咗呢個方法之後,確實嚟食飯嘅家長都唔敢放任小朋友,整體情況改善,對於所有人而言都是雙贏。

怪獸家長 絕招 新加坡一餐廳推行方法阻嚇家長
新加坡一餐廳推行方法阻嚇家長(圖片來源:Instagram@angiesoysterbarsg)

自稱「非兒童友善餐廳」 家長極度不滿:好無禮貌!

自從8月有網民在網上分享餐廳的新規矩後,有不少家長都表示極度不滿,斥其自稱為「非兒童友善餐廳」的舉動非常不禮貌,揚言不會光顧,指「我知有時小朋友嘅舉動係會影響到其他客人,但呢間餐廳可以用禮貌啲嘅方法去解決,而唔係好似而家咁。」不過餐廳亦有解釋,指99% 客人都非常理解此做法,「我知無辦法取悅到全部人,但可以盡最大努力制止自我中心行為,大家都要互相尊重。」

怪獸家長 絕招 家長不滿,斥餐廳無禮貌示意圖,非當事人)
家長不滿,斥餐廳無禮貌(示意圖,非當事人)(圖片來源:ViuTV《反起跑線聯盟》)

網民表示極度認同 港人:香港餐廳可唔可以仿效新加坡?

家長表示反對,但有更多的網民表示極度歡迎,就連港、台網民都紛紛發聲。有港人指「果然講到底都係要用錢去解決,一講錢班家長就即刻驚」、「其實如果唔係你班家長平時懶懶閒唔理啲細路,又點使逼到人哋出絕招」、「你估人哋出呢個措施唔使煩㗎?接你哋班家長投訴同埋逐個解釋都要時間㗎」、「唔想被罰錢咪放低部電話,望多兩眼自己個細路囉」、「家長本身都係有責任去看管小朋友,你話佢喊控制唔到都算,周圍跑都話管唔到,你唔好生小朋友啦」、「香港餐廳可唔可以都咁做,啲港爸港媽係要畀人懲罰吓」。

網民分享經驗:個細路係咁跑,個家長望咗眼就唔理

另外,網民指家長怪責別人沒有同理心前,應自我反省一下自己有沒有公德心。有網民分享曾在一間Cafe與朋友打算Chill一下,但遇著頑皮「坐唔定」小朋友於附近吵吵鬧鬧,四圍跑撞到人,但其家長卻坐在一邊自己玩電話,「最後個細路真係太騷擾,已經警告過佢幾次都唔聽,最後我選擇Kick低佢,佢啊媽先過嚟抱走佢」。說到底,網民指「唔係間餐廳或者街外人想討厭小朋友,而是家長逼人「唔鍾意你個細路」。

通情達理家長:絕對贊成 最憎人成日覺得有小朋友大晒

有家長表示贊成這種措施,「我個仔兩歲前不受控,係好少出街食,唔想騷擾人。最憎人成日覺得有小朋友大晒」,獲網民大讚通情達理,多一些家長有這種想法就天下太平了。有媽媽認同,絕對贊成這個措施,又提議另一項措施:「又或者劃分區域,唔想俾騷擾可以選擇。」她認為好多地方都有標明不招待6歲以下小朋友:「有時小朋友唔受控,唔駛班家長難做。」

怪獸家長 絕招 網民指經常遇到家長不理小孩的情況示意圖,非當事人)
網民指經常遇到家長不理小孩的情況(示意圖,非當事人)(圖片來源:ViuTV《反起跑線聯盟》)

圖片來源:ViuTV《反起跑線聯盟》、Facebook@屯門牛、Instagram@angiesoysterbarsg、TVB《寶寶大過天》