情人節

網民投訴情人節Staycation酒店人手不足|等晚餐等到11點都未送到 小朋友飯都無食就瞓咗!

熱話

廣告

不少港人今年情人節想不用煮飯,不過由於沒了晚市堂食,所以都選擇在酒店Staycation度過。而有網民入住港島區一間知名五星酒店時,因為酒店人手不足,所以等到11點都未有晚餐進食,有網民更表示小朋友等到飯都沒有吃就睡了。當時有大批住客圍堵前台要求職員辦理退房及退款手續,網民指當時經理驚得躲在辦公室內,沒有當面回應。

撰文:CY|圖片來源:事主圖片、港島海逸君綽酒店、Facebook截圖|原文刊於:GOtrip

網民投訴情人節Staycation酒店人手不足|等晚餐等到11點都未送到 小朋友飯都無食就瞓咗!

住客難忍「無服務」圍堵前台要求退款

有網民於Facebook群組中發文,指自己入住港島海逸君綽酒店當日遇正情人節客潮,怨爆 Check-in 已經要排2個半鐘,其後利用住宿套票包括的餐飲消費額於房內點餐,等逾6小時卻仍然未有得食,接續前往大堂查詢,才發現逾20名有同樣遭遇的住客們正圍堵前台,要求職員辦理退房及退款手續。

嫌情人節Staycation服務差 圍堵前台要求退房退款 網民怨:入住要排2小時
事主在網上分享入住經歷,表示服務供不應求、超負荷收客。(圖片來源:Facebook截圖)
嫌情人節Staycation服務差 圍堵前台要求退房退款 網民怨:入住要排2小時
事主影下房卡作為入住證明。(圖片來源:事主貼文)

半夜仍未有晚餐 酒店建議用消費額買走汽水

有當日入住住客證實事主經歷所言非虛,指酒店曾承諾「9點半送到,等到10點未見」、「10點半落去Lobby揾經理,全部都係答『整緊,未知幾時有』」,期間酒店只允許免費使用Minibar「頂住肚先」,直到近11時45分才送左2盒炒飯給她了事。事主亦回應指當時酒店曾建議她使用餐飲消費額「叫我$1,400買走D汽水」,直斥「跟本就欺騙」!

嫌情人節Staycation服務差 圍堵前台要求退房退款 網民怨:入住要排2小時
等待逾六小時,只獲得一盒炒飯。(圖片來源:事主貼文)
嫌情人節Staycation服務差 圍堵前台要求退房退款 網民怨:入住要排2小時
住客分享入住經歷(圖片來源:Facebook截圖)

住客:經理匿藏辦公室拒絕回應

該住客強調:「我地個Package係包咗Dining Credit,無Dining Service提供到,退款係最基本」,因而向酒店提出要求退房及全額退款。有另一在場住客透露當時「個Manager好好笑,全程匿喺後面Office又唔出嚟回應」,令事件進展一度膠著。其後有住客接獲酒店電郵回覆指可獲全數退款,至於賠償待覆。

嫌情人節Staycation服務差 圍堵前台要求退房退款 網民怨:入住要排2小時
又一住客透露20多戶住客圍堵前台要求退款時,「個Manager好好笑,全程匿喺後面Office又唔出嚟回應」。(圖片來源:Facebook截圖)

網民狂鬧酒店:超負荷收客同欺詐有咩分別

網民得悉事件後態度兩極。有網民認同事主立場,認為酒店管理混亂,「明明比錢去享受點知受苦,呢間野睇黎太混亂了」、「超負荷收客同欺詐有咩分別」、「你明知接唔到咁多客就咪_充大頭喇」、「如果自己嘅manpower無能力應付full house嘅客而照賣房,客人投訴都好合理」。

嫌情人節Staycation服務差 圍堵前台要求退房退款 網民怨:入住要排2小時
有未來數日入住的網民留言表示憂心。(圖片來源:Facebook截圖)

反對網民:你哋班人去得就預左多人嫁啦!

不過有網民則認為事主及當日其他住客小事化大,斥責他們入住酒店經驗不足,「其實去全世界嘅酒店住,想入住當日到佢哋餐廳食嘢,係必須要自己預先訂枱嘅」;又有不少網民表示「情人節就預左啦!周圍都系咁嫁啦!」、「你哋班人去得就預左多人嫁啦!」,不應該將酒店問題放大審視。

嫌情人節Staycation服務差 圍堵前台要求退房退款 網民怨:入住要排2小時
港島海逸君綽酒店為海逸國際酒店集團旗下,位於北角區的一間五星級酒店。(圖片來源:Facebook@Harbour Grand Hong Kong)

GOtrip編輯部嘗試向酒店了解事件,惟酒店暫時未有作出回應。

資料來源:Facebook@Staycation Hong Kong Hotel – 留港度假 本地酒店住宿優惠

關鍵詞
staycation