愛妻號 好爸爸 陳豪捱到殘無怨言
人肉鞦韆 仔不離身
陳豪與陳茵媺(Aimee) 呢對娛圈夫婦確實係幸福家庭典範，Aimee早年為老公誕下梓燁和浩鋒兩位公子，今年四月又再添小公主Camilla，三年抱三，羨煞旁人！一有空檔，陳豪便陪太太到醫務所檢查身體，又親自照顧3名小孩，又會使出絕招「人肉鞦韆」，把小朋友拋來拋去，玩得不亦樂乎。難怪大細仔都十分喜歡痴實陳豪，感情非常要好。
另外 陳豪 與Aimee早前帶同Camilla探望上月誕B女的張嘉兒，不過張嘉兒上載合照時卻不慎令Camilla樣貌意外曝光！對此 陳豪 毫不介意，更驕傲話好在個女夠靚、撐得住場，又稱Camilla依家五個多月大，好似肥豬仔咁接近30磅！陳豪 言談間流露出一副慈父相，可見佢真係十分疼愛小公主！
每晚視像老婆
原來太太陳茵媺未生細女Camilla前，一直想復出再拍戲， 陳豪 愛妻心切，只好讓他的Queen發展她的興趣。只是沒想到去年接拍杜汶澤執導的電影後，茵媺先發現自己再度懷孕。 陳豪 當然即時反對老婆勞碌拍戲，寧願賠錢了事；無奈Aimee堅持要拍，最終 陳豪 只好每晚視像老婆，確保在大馬拍戲的Aimee健康先放心。
放棄北上賺人仔 在港捱世界
為了爭取陪伴仔女成長， 陳豪 寧願放棄北上賺人仔，據知在內地工作的條件非常優厚，但佢最終選擇與無綫續約三年！不過簽約TVB時，條件是要多一點自由度，周末可以讓他照顧家庭，不再日日拍劇和出Event，無綫為留住陳豪亦盡量配合。
捱到殘 但為家庭好滿足
要養老婆同三個仔女、加上兩名工人姐姐和一名保母確實唔容易，陳豪 擔子愈來愈重，除了演藝工作，同時亦繼續拓展咖啡店生意。心水清的網民都應該發現，陳豪近年明顯走樣，不單樣子凹陷，身型亦肥了一個碼，和從前的model 身材相差甚遠！不過聽到「My queen」甜叫一聲老公，甚麼都值得﹗
陳豪 表示，自己一直都是計劃生三個，現在比預期快了不少，但他認為好老婆、三名仔女都是上天賜給他的禮物，會好好珍惜，陳豪說現時自己有big happy family，好滿足﹗
全文完
