打仔

【打仔成商機?】雙11刺激「管教神器」銷情?4大「打仔唔work」的理由

熱話

廣告

【打仔成商機?】內地網購神通廣大,不時都聽到人講:「有咩淘唔到㗎?」的確,淘寶充斥各式各樣嘅神器,就連「管教神器」一樣有!雙11「買買買」進入高潮,淘寶網近來就出現大量教鞭、藤條,介紹中明確指適用對象為「兒童」。其實「教仔」有好多方法可以用,千祈唔好以為「打」就一定work!

撰文:Sunday Kiss 圖片:淘寶截圖

「商品」介紹離晒譜!

雖然淘寶日前已經表明,嚴禁商家以「打小孩」等詞彙做噱頭嘅商品引流,會嚴肅處理事件。但係而家喺淘寶上,仲可以搵到好多同類「商品」,只要喺搜尋器中輸入:管教神器、家用傳統神器、家教、學習、教師教桿等等嘅關鍵字,就可以好容易搵到藤條、教鞭、戒尺等等嘅「商品」。

輸入「教小孩+神器」,既會出現學前影音教材,亦有戒尺同藤條。

 

據台灣媒體所做嘅調查同報導,淘寶售賣嘅教鞭同戒尺係以帶皮籐條為主,部分係牛皮同木頭,銷量最高嘅店舖顯示,有1590幾人等緊收貨。在規格方面,直徑從直徑0.5公分至1公分不等,長度則有60公分、80公分等。

 

甚至有商家以一張男童面對教鞭嘅相,上面寫住「媽媽我錯了」,「教育孩子神器」,細仔啲睇,小朋友嘅腳仔同臉仔,都有疑似傷痕嘅紅色斑點。

更離譜嘅係教用家使用前要將藤條浸水,先會有韌性!

 

甚至有用家會留言評價「用後感」

 

內地有律師分析,呢類廣告宣傳涉嫌違法,侵犯兒童嘅合法權益。根據中國「廣告法」第9條規定,廣告不得有妨礙社會公共秩序或者違背社會良好風尚的情形。

以打小朋友達至管教效果這一套不但過時,而且更有機會觸犯法例。有「超級奶爸」之稱嘅何基佑,就曾經撰文解釋,點解「打」對建立孩子的正面行為,同埋身心發展有負面影響。以下4點話你知:點解打細路唔work!

第一,家長打孩子是單向的

意思就是誰有權,誰有力就可以執行。孩子是完全被動,沒有選擇權,只能默默承受。

第二,人類有很強的適應能力,痛楚是可以適應的

當家長習慣打小孩,孩子對痛楚的適應力會提高,久而久之家長只會越打越大力,時間越打越長,由初初打手板,到用藤條,再用間尺,再用衣架,甚至皮帶扣等等。最恐怖的是,家長不知不覺間已經適應了這種管教態度,打到一個點像入了魔般的。

第三,管教孩子最有效的方法就是與孩子建立良好的親子關係

只是通過武力是完全不能達到這種效果。孩子只會更加隱藏自己,產生恐懼與憤怒,很難與父母建立更親密的關係。

第四,家長打小朋友其實是在傳遞以暴易暴的觀念

這種管教態度會直接影響他將來投身社會待人接物,和他自己的家庭。

家長打孩子源於「懶」

家長打孩子是因為急功近利,希望馬上見效,終止不當行為,但說穿了其實就是一個字「懶」。墨守成規,不懂得管教孩子,何不看書,何不上堂?何不看看今天的世界是怎樣教導孩子?原生家庭對孩子的健康發展有着莫大關係,為孩子的未來着想,手下留情吧。