「打波先嚟落雨」男童24年後變爆肌男勁到奪冠 老婆偉大肯包容

「打波先嚟落雨」男生因一個廣告爆紅

00年代拍攝的政府社署宣傳廣告成功吸引很多人的注意，相信你一定見過。廣告一開始，有個戴眼鏡男生準備到球場踢波，突然下大雨，他很失落地說：「打波先嚟落雨，唔通連個天都唔鍾意我？」他的朋友鼓勵他：「我哋聽日再打過啦，聽日一定會好天嘅！」去到翌日，天氣果然變好，戴眼鏡男生很疑惑：「你點知今日會好天㗎？」對方笑笑：「唔知㗎～希望在明天呀嘛！」比賽完結後，戴眼鏡男生跟兩位朋友躺在地上，冒著雨說：「凡事唔係絕對嘅…其實落雨又有咩好怕喎！」最後廣告金句「生命滿希望，前路由我創！」

眼鏡男24年後變爆肌男勁到奪冠

這段廣告播到街知巷聞，成為不少網民的集體回憶。事隔24年，廣告中裡面戴眼鏡的14歲潺仔鄭仲軒（Eric）已經38歲。他曾到澳洲working holiday(工作假期），學打拳和做運動，從29歲開始沉迷健身，一直都好努力練習，搖身一變成為爆肌男，肌肉非常發達，胸肌、六塊腹肌、人魚線全部都齊備，仲谷到青筋現形。

事後他將興趣變成事業，成為健身教練，不但開了健身中心，仲於36歲取得健美職業賽資格，是香港唯一一位classic組別的職業運動員，參加過不少健身比賽，曾贏得「2016奧林匹克職業賽香港站男子健體冠軍」、「M program盃IFBB PRO LEAGUE職業資格賽古典健美組全場總冠軍」，封做「健美先生」。2017年，他曾經拍攝藥品廣告，重現當年「打波先嚟落雨」的經典鏡頭。

延伸閱讀：17個童星現況：童年方展博仲想拍戲 莊錠欣女大十八變 況復生結婚8年轉行

為了大隻要犧牲家人 老婆勁偉大肯包容

為了參加健身比賽，鄭仲軒非常嚴格控制飲食，他曾接受傳媒訪問，指自己不會跟朋友外出吃飯，同家人吃飯時也只能吃自己準備好的健康餐，前度女朋友曾經因為這原因當眾發脾氣，幸好之後找到一位能夠包容他、接受到的女朋友。2016年9月，他跟女朋友結婚，已經成家立室。

有不少網民紛紛留言大讚：「希望真係在明天喎」、「依家咁樣落冰雹都唔驚」、「落雨又有咩好怕喎」、「就係因為落雨，所以去了健身室」、「肌肉滿希望，前路由我創」、「就係因為落雨，所以唔踢波轉咗去室內做gym」、「童年回憶被破壞了」、「踢唔到波，去做gym」等。