搞笑朋友星座

【身邊有冇呢種人?】6大搞笑朋友星座

熱話

廣告

好多人都話,除咗屋企人同另一半之外,一生人最緊要就係識到個好朋友、好知己,因為佢哋會無時無刻聽你訴苦,咩都陪你做。不過,身邊都仲有啲好搞笑嘅朋友,佢哋總會以好輕鬆、幽默嘅態度同你一齊面對困難,令你嘅生活都變得開心啲!一齊睇下你身邊嘅搞笑朋友有冇上到「搞笑朋友星座排行榜」啦!

撰文:Kammy|圖片來源:Instagram

搞笑朋友星座排行榜

1.天秤座(9月24日– 10月23日)

天秤座嘅幽默感適於各種場合,雖然喺屋企入面佢哋唔會點搞笑,但佢哋擁有超強勁嘅社交能力,談吐間都知天秤座有與生俱來嘅口才天賦。社交圈內,天秤座係個中心人物,佢哋善於觀察情形,會引導眾人嘅想法,更會從中加點幽默,令氣氛變得特別和諧,又可緩和尷尬氣氛。

另外,當有人挑戰天秤座嘅時候,佢哋會不動聲色咁用自己嘅幽默回擊對方;有啲天秤座甚至係個冷面笑匠,冇啦啦彈句笑話出嚟令人發笑。

2.天蠍座(10月24日– 11月22日)

講到幽默滑稽,好少人會第一時間諗天蠍座,但其實熟佢哋嘅人就知道,天蠍座嚴肅嘅時候會令人心生敬畏,搞笑個時就會直戳你心中。天蠍座擅長偽裝同故弄玄虛,最後先會揭穿大笑,佢哋最厲害嘅手法,就係以幽默感得嚟又帶點諷刺意味,唔少人都認為佢哋係有智慧人士。

3.白羊座(3月21日– 4月20日)

白羊座嘅人一向都好熱情,樂於助人。佢哋更係成日講廢話、最多笑話講嘅人,因為對於佢哋嚟講,搞笑係一種解壓力嘅方式。如果用幽默諷刺嘅方式嚟看待生活中嘅苦,會令佢哋心裏好過啲。

4.獅子座(7月23日– 8月22日)

獅子座好鐘意靠搞笑嚟爭取別人嘅目光,佢哋會使出「十八般武藝」嚟吸引眼球,甚至不惜出賣色相,只要做到全場最好笑嘅人,博得路人一笑,佢哋就會好滿足同覺得好有成就感。

 

5.射手座(11月23日– 12月22日)

射手座嘅幽默係喜憂參半,因為佢哋快人快語,有時唔會避諱其他人,所以唔係人人都想同射手座做朋友。不過,其實射手座係一個忠誠可靠嘅人,因為佢哋會真心咁對待其他人,而且會幽默咁扮嘢去接近朋友,去打動對方。

射手座嘅滑稽幽默通常都喺肢體語言上,好似係搞笑眼神,或一個奇怪扭動,但佢哋其實唔係刻意做出嚟,有時只係喜感本來就係由心而發出。雖然射手座有時唔知自己嘅幽默感有利有弊,但佢哋經常都好樂觀,幽默感都會因而變得成熟。

6.金牛座(4月21日– 5月20日)

金牛座天生就有搞笑嘅才能,為咗令身邊嘅人笑,金牛座會做好多嘢,好似係故意做個鬼臉、扮放屁、整怪聲等,佢哋善於製造輕鬆嘅氛圍,所以金牛座都係喺你低潮期時最能療癒你嘅朋友。

你又點睇?

更多精選內容