回收

新年過後唔做大嘥鬼 3大賀年物品回收點

熱話

廣告

農曆新年假期剛剛完結,唔知大家屋企嘅年糕蘿蔔糕食晒未呢!每次新年都會浪費一大堆賀年食品、利是封、裝飾等等,為咗唔做大嘥鬼,可以將唔要嘅用品送往回收。一方面可以減少浪費,另一方面亦可以幫助弱勢社群。一於帶埋仔女去回收,比佢哋學習循環再用嘅美德!

撰文:KM |圖片及資料:綠領行動、鳳園蝴蝶保育區、食德好、惜食堂、聖雅各福群會

3大賀年物品回收點

新年過後一定會有好多賀年物品用剩,例如賀年食品、利是封、年桔等等。每年將呢啲用品送往堆填區咁浪費?一於今年帶埋仔女,將用剩嘅物品送去回收,一方便讓孩子學習循環再用嘅美德,另一方面讓孩子學習唔做大嘥鬼,仲可以幫助弱勢社群!

利是封回收

每年綠領行動都會舉行利是封回收重用行動,今年2月12日至2月26日將會於超過460個公眾回收點回收利是封。

不過記得以下5款利是封並不適合回收:

印有生肖 / 年份
自動黏貼封口
寫咗字 / 畫花咗
有釘 / 有釘痕
有摺痕 / 爛咗

公眾回收點地址 (中文版本):https://goo.gl/N4NqVu

詳情:https://www.facebook.com/greenersaction.org/

賀年食物回收

每年新年好多家庭都會買好多賀年食品,往往都食唔晒。與期新年過後重要每一餐都食年糕蘿蔔糕,不如將食唔晒嘅賀年食品送俾有需要嘅人。香港有好多非弁利機構會回收賀食物,並轉贈給弱勢社群,係讓小朋友學識愛惜食物嘅好時機!

1.惜食堂

惜食堂全年都會進行食物回收,市民除咗可以將食品送往4間食物收集點,亦可以放入15間領展商場內嘅食品收集箱,非常方便。

食物收集點回收及接受捐贈的食物種類包括:

食用有效期兩星期或以上
包裝未開封及完好的乾貨食物或飲品
新鮮食物 (蔬果類)
糧油雜貨及調味料
冷藏及急凍食物
烘培食品
熟食

食品收集箱回收及接受捐贈的食物種類包括:

食用有效期四星期或以上
包裝未開封及完好的乾貨食物
非冷藏類
非玻璃容器類
糧油雜貨及調味料

食物收集點及食品收集箱詳情及地點:http://www.foodangel.org.hk/food_rescue.php

2.食德好

食德好今年舉辦「新春賀年食物回收2019」,由2月8日至3月31日,市民可以將賀年食品送去各個回收點,讓有需要人士都可以食到新年美食。

賀年食品回收詳情:https://www.facebook.com/foodrecycling/posts/2266036813426673

3.聖雅各福群會

聖雅各福群會今年亦會舉行「賀年食品及乾糧收集行動」,由2月8日至3月8日,市民可以將有包裝及食用日期不少於8星期的賀年食物、米、麵、罐頭及其他耐存食品捐贈去4個回收點。

地點: 1) 聖雅各福群會總會902室(地址: 香港灣仔石水渠街85號)

2) 西安中心(地址: 香港西營盤西安里10號福祥閣地下1-3號舖)

3) 慈惠軒(九龍西)(地址: 九龍石硤尾大坑西邨民興樓地下1-3號舖)

4) 慈惠軒(葵涌)(地址: 新界葵涌石籬(二)邨石歡樓低層地下)

賀年食品回收詳情:http://foodbank.sjs.org.hk/event/view.action?from=upcoming&id=2104

年桔回收

好多家庭、公司等等都會喺新年購買年桔慶節,新年過後就會將其棄置。不過環保協進會鳳碟園保育區就將會舉辦「年桔轉贈配對網絡」計劃,透過配對方法,令捐贈機構/公司直接將年桔送到有需要嘅地方,當中包括學校蝴蝶園及農場等等,令年桔再生!

如機構/公司有興趣參與本計劃捐贈年桔;非牟利機構/農場有興趣接收年桔,請於2019年2月20日或之前填妥參加表格,電郵[email protected] 或 傳真2690-3438至本會。

表格 1(捐贈年桔)下載網址:https://goo.gl/odqRyg

表格 2(接收年桔)下載網址:https://goo.gl/YdFtA7