方力申被陳敏之讚「完美筍盤」！批家長過度溺愛、三招踢走「3低港孩」

方力申從小靠自己沒有工人服待 陳敏之大讚是完美筍盤

方力申在訪問中被陳敏之問及︰「你知唔知道我身邊的好多朋友都大讚你係一個好體貼，同照顧朋友嘅人？」方力申聽到後表示︰「可能係我嘅性格係雙魚座，所以個人比較善良同唔會托朋友手踭。」陳敏之再讚方力申︰「我真係覺得你係一個好健談同照顧朋友嘅人。」方力申回應︰「其實唔係，我啱啱入行嗰陣係一個好內向嘅人，因為我係由運動員轉到娛樂圈發展，運動員係講求實力，所以我好有自信。但係入到娛樂圈我係一張白紙，咩都唔識，所以唔鍾意自己成為焦點。」

陳敏之亦解釋到為何會認為方力申是一位暖男，她指出︰「我同小方一齊出席啲應酬活動，咁當中就會一齊飲吓酒，當晚會結束後，小方會安排好晒所有朋友逐一上車，務求大家上晒車為止。我嘅助手都話每一次小方都係咁做，所以我哋都覺得小方係好gentlemen嘅男人，唔只對女仔，連對男仔都一樣，一視同仁」，可見方力申體貼的一面 。

陳敏之認為方力申的父母教他教得十分成功，令其成為一個謙卑有禮的人。方力申解釋︰「我覺得自己成長最重要是從小到大都無請工人，我係到28歲先請第一個工人。入行七年一直以來，都係自己同媽咪處理所有家庭雜務。依家啲小朋友唔夠獨立同太過倚賴父母，家長畀小朋友有太多選擇權，單憑講唔鍾意嘅食物，依家啲小朋友係一隻手指都數唔晒，非常揀飲擇食」。

方力申指港孩被溺愛 引致過分自大

陳敏之跟方力申分享到一個身為富貴人家司機的朋友所遇到的體驗，有一日他送小姐 ( 年齡約6歲左右 ) 和她年紀相近的朋友去迪士尼玩，陳敏之朋友只是說：「依家我帶你哋去迪士尼玩，好唔好啊？」但小姐口出惡言：「你只係我嘅司機嚟咋！你無資格同我一齊玩。」階級觀念十分嚴重。方力申感同身受，大爆自己曾參與一個五歲小朋友的生日會，「壽星公」推開所有小朋友，大叫生日蛋糕是屬於自己，工人姐姐提醒他這個行為是不對的，那位小朋友則大聲呼喝工人姐姐：「I will tell my dad to fire you ( 我會叫爸爸解僱你 ) 」。

方力申提出建議，就是家長不要在小朋友面前投訴別人，會令到小朋友長大後會認為，即使自己有做錯的，都要求別人對自己道歉。不過他指自己父母就算做錯事，都沒有認錯道歉習慣：「我自己由細到大未聽過媽咪會同我講一句唔好意思、對唔住。」

方力申提議家長要咁教1. 訓練港孩面對失敗 不能過度稱讚

方力申被陳敏之問到，身為游泳教練教授小朋友游泳時遇過怎麼樣的困難，同時詢問他如果擁有自己小朋友會如何教導，方力申感嘆︰「我覺得唔可以過度稱讚小朋友，咁樣啲小朋友就淨係會做佢擅長嘅事，唔會嘗試新事物，因為我見到太多小朋友係輸唔起。正因如此，當佢長大踏入社會後，他面對真正挫敗嘅時候，佢無法接受。如果小朋友喺溫室長大，佢哋嘅抗壓能力好低，正因為新一代嘅小朋友太幸福，所以我爸爸叫我同細佬去學游水，去學習堅持完成一件事。」陳敏之十分認同方力申的經驗之談。

方力申自責曾放棄游水

方力申亦自爆曾經放棄游水︰「其實我都會逃避唔去練水，因為真係好辛苦，所以練習期間走咗去公園玩，諗住扮有上堂，點知我爸爸早到發現咗，但係我爸爸一句說話都無同我講過，所以我當時好慚愧，喺度大喊。其實小朋友邊有大人咁聰明呢？只不過我哋習慣去遷就佢（小朋友）。」陳敏之很認同，亦分享與兒子的相處方式︰「啱啊，平時就係太遷就佢，佢當自己係皇帝，同埋我都覺得依家啲小朋友唔識得面對失敗。」

方力申提議家長要咁教2. 家長應給予支持增強仔女信心

方力申被陳敏之問到如果遇到害怕潛水的小朋友，如何增強他們信心？方力申說：「學游水唔同一般嘅運動，驚水係好正常，游水真係難、好辛苦，要克服好多方面。作為父母要多啲鼓勵，好似我爸爸會為細佬打氣，全場嗌得最大聲，支持佢。雖然細佬游水唔夠我叻，但係我爸爸認為細佬只要努力過，就算拎第5名都係好值得為佢加油、鼓勵佢。因為我爸爸呢個行為，我同細佬感情好好，細佬唔會因為我游水叻，覺得爸爸就只會偏心我一個，會一視同仁。」

方力申提議家長要咁教3. 發掘仔女長處 學習過程比成果重要

方力申指做人父母最重要是發掘小朋友真正的長處，讓嘗試過才會懂得如何令小朋友發揮所長，因為方力申爸爸經歷學游泳後，發現小方弟弟擁有英文辯論才能，加以培養後，弟弟奪得了學界英文辯論冠軍。

方力申又表示於疫情前會帶小朋友到海灘撿垃圾，亦會帶他們到特殊學校探訪，以令小朋友親身體驗，而事後小朋友也會在就讀的國際學校介紹他曾帶過他們去的慈善機構。作為父母要多啲鼓勵認為這是一個非常正面的影響，不但能加深他們的了解，也能介紹給其他人。另外作為父母要多啲鼓勵都提到一個例子，有位小朋友要求爸爸、媽媽送錢作為生日禮物，原因是想把金錢都捐到慈善機構。

方力申分析造成「3低港孩」的原因

方力申和陳敏之指現今小朋友大多數都為成三種，自理能力低：凡事依賴父母及工人，不懂得獨自完成；情緒智商低：自制能力較低，不懂控制情緒容易暴躁、波動；抗壓力低：遇到困難不懂如何解決，只會依靠別人幫助。而這些的極端行為是反映家長的教導質素，所以如果家長想新一代小朋友有正確的價值觀同思維，不能讓他們缺乏對日常生活的認知，作為父母一定要身教及因材施教。家長們都不想見到港孩雖然能長大成人，但反而連廁紙也不懂得去買吧？