方媛 擇日開刀 郭富城 撲返港陪產
老公城城不在港，Moka悶到要急call母親陪high tea，日前陀住八個幾月巨肚更去柴灣影樓影大肚寫真，樣靚手腳纖幼零水腫，盛傳陀女的 方媛 得天獨厚，一啲都唔論盡，生夠一隊足球隊都仲得 。
撰文：東方新地
採訪、攝影：東方新地
郭富城 今年4月突然結束鑽石王老五生涯，拍拖只有年幾的方媛（Moka）一坐正即食糊升呢做城嫂，有傳當時她已懷有「城種」，但城城一直未有回應，Moka對懷孕一事亦非常低調，近月不時穿大肚婆恩物高腰傘裙來遮掩隆起的肚皮，不過紙包唔住火，預產期在9月的Moka早前被影到返上海探父母，素顏的她已明顯見肚。
近月城城周圍飛趕拍電影及跑宣傳，一攝到時間就返港陪老婆，當晚見他兩眼通紅狀甚疲累。
剛剛在加拿大拍完電影，城城近日又飛到國內多個地方為電影《破局》宣傳，預計8月18日才完成工作返港，準備陪Moka生B。
剛剛在加拿大拍完電影，城城近日又飛到國內多個地方為電影《破局》宣傳，預計8月18日才完成工作返港，準備陪Moka生B。
避鬼節提早開刀
城城婚後對Moka愛護有加，有指因為方媛不太適應香港生活，所以早前他豪擲8千萬在上海靜安區購入兩層同一地段的豪宅，一層是自己與妻女住，另一層則供外父外母住，方便兩老照顧Moka與BB。據知兩間新屋已經裝修好，城城更按Moka要求，新屋以全白英式Style為主。
Moka懷有「城種」後今非昔比，除正式獲賜城嫂名份外，行頭亦愈來愈富貴，早前更拖實城城去置地血拼，拎住袋名牌戰利品不知幾威威。
知情者透露：「Moka所有屋企人同朋友都喺上海，佢覺得喺香港好悶，出街又驚畀記者影相，但佢想BB喺香港出世攞香港身份證，所以最後都決定喺香港生，城城已安排好外母嚟香港幫手照顧，仲請咗兩個星級陪月，全天候照顧妻女嘅起居飲食。城城不知幾緊張，早前佢喺加拿大拍緊莊文強套《無 雙》，下個月要開翁子光導演嘅新戲，呢個星期又飛國內做宣傳，真係冇乜時間陪老婆，不過佢已經請定假，Moka擇日開刀嗰日佢一定會掉低所有工作，撲返香港陪產，因為9月撞正農曆七月鬼節，高人話成個舊曆七月都唔適宜生B，所以Moka好大機會8月尾就開刀。」
Moka懷有「城種」後今非昔比，除正式獲賜城嫂名份外，行頭亦愈來愈富貴，早前更拖實城城去置地血拼，拎住袋名牌戰利品不知幾威威。
日前Moka在上海機場被野生捕獲，有父母前來接機，Moka變番細路女，不時向爸媽撒嬌。
Moka到埗後不停玩手機傳口訊，被指與老公城城保持通話。
穿上黑色吊帶裙的Moka，側側身巨肚顯現。
為搵奶粉錢，城城未能長時間留在Moka身邊陪安胎，不過他早已為Moka做好所有準備，提供最好的坐月所需，除了book定養和頂級私家病房外，據知還請多兩個保母及助手，方便陪住Moka產前產後外出。日前Moka被影到在上海機場現身，有指城城完成手頭上的電影工作後，會飛上海接老婆返香港待產，但其實Moka已靜悄悄返港。
影大肚寫真
日前，頭戴草帽不施脂粉的Moka，在女助手陪同下步出大坑的「城堡」，到達柴灣的工業大廈，Moka落車時帽又跌鞋又甩，好彩女助手眼明手快，當日Moka兩手揈揈只拎住自己個名貴小手袋，粗重物品全由女助手負責，現場所見女助手抽住幾套衫及大袋裝有鞋盒的紙袋，二人上了一間影樓，相信當日Moka是去影大肚靚相。
城城身在北京宣傳新戲，Moka在女助手陪同下到達柴灣工業區，一襲白色高腰連身裙，正面睇完全唔似大肚婆。
至晚上八時許，化了個濃妝的Moka與女助手一齊離開，坐車直達銅鑼灣，影了大半日相的大肚婆應該非常肚餓，Moka在多間食店外左揀右揀，最後選擇食日本燒烤。
晚上的Moka巨肚突現，雖然腹大便便行路依然輕盈，在銅鑼灣鬧市周圍搵好嘢食。
Moka似乎對日本菜好有興趣，不停在店外睇餐牌研究，最後幫襯日本燒烤。
陀B八個多月以來，Moka從不戒口，嗜辣的她繼續食麻辣火鍋，熱氣的日本燒烤更加冇問題，見她皮膚白裡透紅，又肥胎唔肥人，30歲的她陀B陀得非常輕鬆。為了讓Moka好好安胎，城城曾叮囑Moka多留家待產，不過Moka經常呻悶，早前更急call母親來港陪high tea，城城不在港的日子，她不時在女助手陪同下外 出，而每次都是call UBER，看來是想避過記者耳目。
有指Moka唔習慣悶爆的安胎生活，早已安排母親來港陪待產打發時間，日前她在微博上載兩母女high tea相，留言：「喜歡工作忙碌的每一天，最近有點空的好不習慣，出來唞唞氣。」
生完再下一城
做了多年王老五，城城榮升人夫人父，負擔與責任都大了，心態上更有巨大的轉變，知情者透露：「自從Moka有咗，城城意識到自己即將踏入另一個人生階段，生活將會有好多轉變，依家出去做嘢，佢會同其他做咗人父母嘅朋友傾偈取經，之前未知仔定女，佢話仔女都冇所謂，因為佢計劃唔止生一個，最好有仔有女，再加上郭老太有孫抱不知幾開心，佢話想屋企再熱鬧啲！城城咁孝順點會逆阿媽意，Moka亦肯配合。」
近月城城周圍飛趕拍電影及跑宣傳，一攝到時間就返港陪老婆，當晚見他兩眼通紅狀甚疲累。
一向篤信藏傳佛教的城城，早前更請來高人指點，在其大坑寓所布下追仔陣，除了在室內擺放風水陣外，在天台亦放了九條青龍、四大天王及一對瑞獸，除了可保家宅平安外，更旺丁旺財兼擋煞。有「城爸」負責搵錢養家，「城媽」 負責生完再生，頂樓全層加天台共六千呎的「城堡」，應該都夠晒住！
城堡擺追仔陣 － 九條青龍
城堡擺追仔陣 － 四大天王+瑞獸
