早個多星期出世 JJ賈曉晨誕6.4磅B女 乳名叫小飯兜
廣告
「力王」樊少皇同細十年的賈曉晨(JJ)去年終於拉埋天窗，今年六月樊少皇44歲生日，JJ宣布造人成功。而昨日樊少皇就在微博宣布囡囡出世，乳名叫「小飯兜」，JJ接受傳媒訪問透露「小飯兜」是在養和醫院出世，重6.4磅，原先JJ打算剖腹分娩，但「小飯兜」突然提早個多星期出世，結果JJ順產生B，幸好身在內地的丈夫樊少皇趕得及返港陪產！
撰文：Sunday Kiss
圖片來源：新傳媒圖片庫、賈曉晨微博
賈曉晨B女 乳名叫小飯兜
現年44歲嘅「力王」樊少皇與前度女友育有一子一女，有報道指大女同細仔今年已經大約20歲同15歲。樊少皇喺去年與拍拖3年的女友賈曉晨結婚，，今年6月，JJ在樊少皇生日當天，向外公布懷孕的喜訊。
而昨日樊少皇就在微博宣布囡囡出世，仲公布囡囡乳名叫「小飯兜」，他上傳一張賈曉晨抱住B女的相片及留言：「小飯兜歡迎你的到來，要疼媽咪哦，我愛你們。」而賈曉晨亦有轉發貼文，仲搞笑叫囡囡做女漢子：「大飯兜，女汗(漢)子，終於見到你了」好溫馨！
臨生前High Tea
腹大便便的JJ行動相當靈活，事關她在臨生前幾日，約了同樣懷孕的圈內好友陳菀蔚去飲茶，唔使問，兩位孕媽一定有交流陀B及育兒心得啦！不過JJ搞笑話自己肚大如籮，要扶住牆行步伐才穩陣！
肥肚不肥身
35歲JJ懷孕期間，不時在其社交平台透露懷孕近況，原來JJ在懷孕初期經常咳嗽，幸而經過食療逐漸康復，JJ又透露近來胃口不錯，從相中所見JJ都屬於「 肥肚不肥身 」的靚靚孕媽，手腳纖幼，面頰尖尖，真係令人羨慕！
JJ在懷孕後全面停工安胎，而在懷孕初期她經常咳嗽不止，夜晚未能入睡，食慾不振，幸而經過食療的調理已痊癒。JJ自言懷孕期情緒不好，經常大發脾氣，連自己都怕自己，幸而丈夫「力王」樊少皇忍讓及體諒仲成日氹她，而且幾乎每次產檢樊少皇都向劇組請假，專誠抽空由內地返港陪她去，令JJ很感動！
