書展2025｜父子受訪片爆紅 小學生「做練習點會辛苦呢」爸爸爆金句震撼網民
升中派位｜名校小六生放榜狂爆金句 網民聽完O曬嘴：讀書係我本份2.0
2025年書展主題
今屆書展以「飲食文化，未來生活」為主題，超過770間展商進駐，刷新參展規模記錄。主辦方特設「世界文化藝術廊」，集中展示世界各地節慶飲食、餐桌禮儀等書籍及展品，讓市民一次過體驗多元飲食文化。今年書展另一亮點是新增的文化及創意產品區，專門展出富有中華文化元素的文創產品。各大展區不但帶來跨國交流機會，亦突顯本土創意力量，吸引年輕人和家庭停留觀賞，為書展注入新鮮感。
家長帶同升中一女兒入場 花二千元買故事書
不少家長帶同子女入場購書，盡顯家庭消費潛力。一名媽媽受訪透露她與女兒每年都會來，這次合共花費接近二千元購買中英文故事書。她希望女兒能多讀課外書，有助升中適應。
另一位媽媽則選購練習冊及漫畫，認為比起打機，閱讀暑假更有意義。即使經濟環境一般，她仍樂於為孩子投資，也希望消費帶動本地經濟。
升中派位｜名校小六生放榜狂爆金句 網民聽完O曬嘴：讀書係我本份2.0
父子書展受訪片爆紅 小學生：做補充練習點會辛苦呢？
最受家長歡迎的當然是補充練習的攤位，一位爸爸帶同就讀小學的兒子接受訪問，這兩父子受訪的對話掀起網民熱烈討論。一名網民上載在乘搭港鐵時拍下車廂內的新聞報導，內容為：
「書展一連七日會展舉行 家長為兒子買補充練習」
該名網民發帖詢問：「邊個兒子咁慘」
李璨琛太太梁志瑩心痛輕生學童 點名4大能力比成績更重要 8字金句寄語Lucy
其他網民就上載一段父子在書展受訪片段來回答樓主。該名小學生表示：「練習種類好多，而且幾豐富吓，搞到我都幾鍾意。」記者問男童：「係咁做練習辛為唔辛苦呀？」
男童以肯定、自信的語氣回答：「唔會，點會呢？做練習有時可以很輕鬆咁做。」
身旁的家長爸爸向記者表示：「唔好太多，夠一年用就可以喇。」
書展父子受訪片段惹網民熱議：兒子被OK
這兩父子在書展中受訪片段引起很多網民熱烈討論，二人的言論在網絡上瘋傳。對於男童揚言做補充練習過程「唔辛苦」，部分人質疑其真確性，「deedee 你同我講後面係米有支槍指住你」、「deedee喺爸爸面前求生慾好強」、「唔好睇佢答咩 要睇佢眼神 幾閃縮」、「書商ok家長ok兒子被ok網民唔ok」；有人更表示睇錯「第一眼睇左一連七日家長為兒子買補充練習」 。
此外，有人覺得片中爸爸的「夠一年用就夠」的言論好搞笑，「個阿爸又搞笑 梗係夠一年用就夠 因為下年升班啊嘛」、「人人對『多』嘅定義真係好唔一樣」、「一年咁叫唔多呀？咁點先叫『多』」。
升中派位｜女兒獲派Band 1 港媽崩潰痛哭 1原因棄讀叩門Band 2 網民激讚明智
曾做書展收銀員網民爆家長真實對話
有網民則認真表示「（學童）自殺原因之一」，感嘆連續七日看到家長瘋搶補充練習，認為過度執着讀書文化，對孩子帶來莫大壓力。 有任職過書展收銀員的網民分享經歷，令他十分印象深刻：「做過書展收銀 有次見個客買到差幾十可以折多啲 就同佢講：小姐，而家買多xx蚊可以折多啲呀，你要唔要揀多本書？果個阿媽同個阿爸講：喂有折呀，你同我去執多兩本補充練習黎」。
有網民分享兒時愛做補充練習：連哥哥果本都做埋
不過，部分網民透露兒時的確很喜歡做補充練習，更指過程好有成功感，也有老師的獎勵，「我記得我細個都好鍾意做練習 唔係講笑 個時完全冇任何壓力，係做練習有成功感，同每次做得好都拎到老師既禮物，都幾so架」、「認真答你，我細路時都好鍾意做練習」，有網民更喜歡到連哥哥的作業都做埋，「其實我細個都好鍾意做練習 尤其本暑期作業～做埋阿哥果本～因為阿哥留班留到同我同級～平時功課都係我幫佢做埋」
相關新聞：
升中派位｜名校小六生放榜狂爆金句 網民聽完O曬嘴：讀書係我本份2.0
李璨琛太太梁志瑩心痛輕生學童 點名4大能力比成績更重要 8字金句寄語Lucy
