親子餐廳

最新 親子餐廳 男孩專屬英雄基地

親子餐廳

廣告

最近Megabox新開的Comic Park & Cafe,以多款經典及熱門人氣動漫卡通為主題,包括有鐵甲萬能俠、幪面超人、咸旦超人、Rody、及犬等,打造全港首個動漫樂園及主題 親子餐廳 ,一次過滿足晒親子「食、買、玩」三個願望!場內佔地7,000呎,主要可分為三大主題區域,包括發售期間限定產品的Comic Store,設有30 多部室內遊戲的動感玩樂專區,及以動漫卡通為食物主題的Cafe,場內的布置如牆身均以動漫卡通為題,隨處抓拍也是靚相,小朋友今夏可以盡情投入動漫英雄的世界!Sundaykiss小編將為你介紹2024最新美食資訊,即睇:

入會送廿個幣喪玩30款遊戲

食完立即放電?冇問題,一齊睇吓有咩好玩!場內的樂園區設有30 多部室內遊戲機,包括射擊遊戲、投籃機、夾公仔、夾糖機等機台,不少更以動漫人物為主題,一定讓小朋友玩得樂而忘返,大朋友找回童真。玩完更可以憑票換取不同禮物,當中不少獎品中更是街外買不到的樂園限定版!玩樂專區代幣每個$2,而即場俾$20做會員,就有廿個代幣(價值HK$40)送返俾大家,而且仲有好多優惠及禮品送俾大家,包括飲食、購物及租用派對場地享9 折優惠,開卡當日消費滿$200 或上即送限量毛公仔一隻,以及會員生日優惠等!

萌全開餐擦主題美食

再睇睇Cafe有咩食先!叫得動漫主題Cafe,除了環境闊落外,當然唔少得以動漫卡通為主題的創意食品。Cafe 由獲得米芝蓮榮譽的得龍大飯店以顧問型式主理,平日會提供西式及日式餐點包括湯、午市套餐、沙律、小食、薄餅、特飲及甜品,特飲以風、雷、電作顏色主題,星空特飲口味分別是藍柑橘柚子、紅莓及菠蘿芒果。Cafe 餐牌中亦細的標誌不同的素食食品,照顧不同人士的口味。值得大家留意的是,逢周五、六及日,Comic Cafe 會推出多個特別準備的動漫卡通套餐,如「咸蛋超人兒童餐」、「開心洛迪曼兒童餐」、「超人家族M78 星雲家庭套餐」及「鐵甲萬能俠一人餐」,讓大伙兒伴隨幪面超人擺設,品嚐美食。

掃走限定精品大滿足

玩飽食醉,再睇埋精品店,睇吓臨走有冇嘢可以帶走!精品店門口設有一個2米高的鐵甲萬能俠一號及1.5 米高的大鐵牛歡迎大家,牆櫃更有數十款難得一見的經典珍藏,相信大小動漫粉絲未入場先已瘋狂影相打卡!店內售有各式各樣的動漫主題文具、公仔及精品,包括有顛倒眾生的蛋王哥、迪士尼卡通系列、馬仔、Star War、Minions、咸蛋超人、Rody及經典幪面超人等,部分精品更是期間限定出售,粉絲們萬勿錯過!

Comic Park & Cafe

日期︰8 月上旬正式開幕
時間︰11am-9:30pm(周一至周五)、10am-10pm(周六及周日)
地點︰九龍灣宏照道38 號MegaBox 9 樓L9-23
查詢︰2782 3183
網址︰www.brandsunitedltd.com

延伸閱讀:

五大好玩 親子餐廳

4大 台北親子餐廳