未婚妻嫌貓多細菌影響孩子健康 逼棄養或分手二選一

撰文：KM|圖片：靠北女友、Thinkstock、新傳媒資料庫

未婚妻嫌貓多細菌逼台男棄養或分手二選一

日前一名台灣男網友在《靠北女友》發文，表示「要結婚了，女朋友不喜歡貓，用養貓細菌多以後孩子不健康為由要我送養，只能選一個。」結果他秒選貓咪並選擇分手「我秒選貓啊，你算什麼東西啊，她是我女兒，能理解嗎前女友？」

網民大讚霸氣行為

貼文發佈後獲得許多網民大讚，認為他分手的行為非常「霸氣」。

不棄養 !懷孕期間都可以養貓

有人說養貓會引起婦女流產或畸胎，或者因為家中有小寶貝的誕生，而把貓咪送走。但其實好多人都對懷孕養貓有誤解，其實兇手唔係貓，而是貓便便。正確嚟講，係一種叫弓漿蟲既物體。準備懷孕前，可先到醫院作弓漿蟲的血清檢查，若抗體呈陰性，則要在懷孕期中的前三個月，避免接觸有外出習慣的貓咪及貓沙盆等，咁就要請老公幫貓貓洗白白同清理貓便便啦！

其實好多明星即使懷孕期間，都繼續養貓！就好似李蘊咁，大住個肚養貓都冇問題，仲話BB未出世已經好鍾意貓。

又好似陳國邦和羅敏莊咁，出名係愛貓之人，懷孕嗰陣，仲養咗9隻貓！就算生埋小朋友，仍然覺得小朋友同寵物好適合相處。佢仲話：「養寵物係一生一世，從來唔認為生小朋友跟養寵物有衝突，只要注重衛生就得，老婆大肚照樣攬貓訓都冇問題！」