35歲朱千雪懷孕超過6個月 情人節疑不慎露口風 3字暗示腹中龍B性別

開始腹大便便的朱千雪雖然已感到身體有明顯變化，但她強調仍會堅持朱千雪指會堅持返律師樓工作和到大學教書，在接近臨盆前才會放產假，認真夠曬敬業！

情人節拍片大講近況

昨天（14日）是情人節，已懷孕超過6個月的她在社交網拍片分享近況。看到身穿米白色衛衣的她安坐下來，又以紅色坐墊遮蓋凸出的孕肚，不過精神非常飽滿。

她說：

「Happy Valentine’s Day 話咁快就已經同我肚裡面嘅小情人合二為一6個幾月喇。最近我都開始向身邊嘅朋友同媽媽們取經。懷孕期間雖然皮膚同身體嘅狀況都同平時好唔一樣，但其實一啲簡單嘅小Tips就已經可以令懷孕媽媽過得輕鬆又舒服一啲！記住要維持輕鬆同愉快嘅心情，迎接新生命嘅來臨啊～大家仲有啲乜嘢懷孕期嘅心得，記得要留言同我交流吓啊！」

朱千雪3字透露龍B性別

文中見她用「小情人」來稱呼即將出世的孩子，通常現今的媽媽會視兒子為「小情人」，故不少人指朱千雪暗示自己懷有一名「龍仔」。

大讚老公細心體貼

影片中，朱千雪表示自己要戒飲三款飲料，包括珍珠奶茶、汽水和咖啡，故她會自製蘋果牛奶和藍莓乳酪等健康飲品。她其後接受傳媒訪問時透露，懷孕期間獲老公細心照料，更大讚他細心體貼。在新年期間需要大掃除或搬雜物時，老公都會主動做，所有搬搬抬抬都由他負責。關於BB性別方面，朱千雪受訪時表示，仔定女都無所謂。